სტამბოლში ლგბტ თემის „პრაიდ-მარში“ დაარბიეს

2017-06-26 11:14:01, 2930 ნახვა

მსოფლიო

სტამბოლში ლგბტ თემის „პრაიდ-მარში“ დარბევით დასრულდა, - ამის შესახებ Reuters იუწყება.

მედია საშუალების ინფორმაციით, სამართალდამცველებმა აღლუმის მონაწილეების წინააღმდეგ ცრემლსადენი გაზი გამოიყენეს.

თვითმხილველების თქმით, პოლიციამ რამდენიმე ჯგუფის მისამართით რეზინის ტყვიებიც გამოიყენა, ხოლო ათობით ადამიანი დააკავეს.

ლგბტ თემის "პრაიდ-მარში" მსოფლიოს მასშტაბით ყოველწლიურად იმართება. ამასთან, თურქეთში ათასობით ადამიანი იკრიბება და ლგბტ თემის წარმომადგენლების უფლებების დაცვას ითხოვს. 2015 წელს თურქეთის ხელისუფლებამ აღნიშნული მარში დაბლოკა და დაუშვებლად გამოაცხადა.

ადგილობრივი პოლიციის განცხადებით, მათ დემონსტრაცია აქტივისტების უსაფრთხოების მიზნით დაშალეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან