ლელა სურმანიძემ ავტოსაგზაო შემთხვევის შედეგად დაშავებული მოინახულა

2017-06-24 15:34:46, 744 ნახვა

რეგიონი

აჭარის ჯანდაცვის მინისტრის პირველმა მოადგილემ - ლელა სურმანიძემ, ბათუმის რეფერალურ საავადმყოფოში, გუშინ, შუახევის მუნიციპალიტეტში მომხდარი ავტოსაგზაო შემთხვევის შედეგად დაშავებული 45 წლის მამაკაცი მოინახულა.

აჭარის ჯანდაცვის სამინისტროს ცნობით, პაციენტი რეანიმაციულ განყოფილებაშია მოთავსებული.

ინფორმაცია დაშავებულის ჯანმრთელობის მდგომარეობის შესახებ მინისტრის მოადგილემ კლინიკის დირექტორისგან ნათია ნუცუბიძისგან და რეანიმატოლოგ გიორგი კავთელაძისგან მიიღო.

ავტოსაგზაო შემთხვევა შუახევის მუნიციპალიტეტში სოფელ ცინარეთში მოხდა. ავტომანქანაში, რომელიც გზიდან გადავარდა მხოლოდ ერთი მგზავრი იჯდა. დაშავებულის ტრანსპორტირება რეანომობილით ბათუმის რეფერალურ საავადმყოფოში გუშინვე განხორციელდა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან