2017-06-13 19:45:54, 1795 ნახვა
საზოგადოება
გიორგი კვირიკაშვილმა საქართველოს 20 წლამდე მორაგბეთა ნაკრებს გამარჯვება მიულოცა
თქვენ ხართ ქართული რაგბის მომავალი და გვეამაყებით, - ამ სიტყვებით მიმართა პრემიერ-მინისტრმა გიორგი კვირიკაშვილმა საქართველოს 20 წლამდე მორაგბეთა ნაკრებს, რომელმაც მსოფლიო ჩემპიონატის მატჩში, არგენტინა ანგარიშით 26:25 დაამარცხა.
ქართველ მორაგბეებს პრემიერი უმცროს შვილთან, ნიკოლოზთან ერთად, დღეს მიხეილ მესხის სახელობის სტადიონზე გულშემატკივრობდა.
მატჩის შემდეგ, გიორგი კვირიკაშვილმა საქართველოს 20 წლამდე მორაგბეთა ნაკრებს გამარჯვება მიულოცა. პრემიერ-მინისტრი ასევე შეხვდა არგენტინის ნაკრებს, რომელსაც საქართველოში სტუმრობისთვის მადლობა გადაუხადა და წარმატებები უსურვა.
შეგახსენებთ, საქართველოს მორაგბეთა ნაკრებმა მსოფლიოს 20-წლამდელთა ჩემპიონატზე პირველი მატჩი მოიგო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
