ჯგუფ Birja Mafia-ს მხარდამჭერი აქციის მონაწილეებმა პარლამენტის შენობასთან გადაინაცვლეს.

აქციის მონაწილეები ჯგუფის წევრების მიხეილ მგალობლიშვილისა და გიორგი ქებურიას დაკავებას აპროტესტებენ, რომლებსაც პოლიცია ნარკოტიკული საშულების MDMA-ს შეძენა-შენახვას ედავება.

როგორც „ექსპრესნიუსს“ მუსიკოსმა ერეკლე დეისაძემ განუცხადა, სისტემა უნდა დაინგრეს და ათასობით დღეს აქ შეკრებილი ახალგაზრდა ამის ნათელი დასტურია.

„ჩვენ დავიწყეთ ომი არსებული მახინჯი სისტემის წინააღმდეგ და ამ ომს გამარჯვებით დავასრულებთ“, - აღნიშნა დეისაძემ.

ამასთან, მოძრაობა „თეთრი ხმაურის“ ლიდერის პაატა საბელაშვილის თქმით, სისტემის დემონტაჟია საჭირო.

„გამოხატვის და სიტყვის თავისუფლებისთვის პოლიციურმა რეჟიმმა მოქალაქეების დაპატიმრება დაიწყო. მეტი რაღა უნდა მოხდეს? ეს არის ომი და ამ ომში საღი აზრი გაიმარჯვებს“, - განაცხადა საბელაშვილმა.

მოძრაობა „თეთრი ხმაურის“ კიდევ ერთი ლიდერი ბექა წიტაიშვილი „ბირჟა მაფიის“ და ორი ათასზე მეტი „უკანონ პატიმრის“ გათავისუფლებას ითხოვს. მისივე თქმით, ნარკოპოლიტიკა ადამიანებს ანადგურებს.

რუსთაველის გამზირზე საპროტესტო აქცია შეძახილებით და ოვაციებით მიმდინარეობს.

ადგილზე მობილიზებულია საპატრულო პოლიცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას