ისრაელში ყველაზე მასშტაბური გეი-პრაიდი გაიმართა - აღლუმს 200 ათასი ადამიანი დაესწრო

2017-06-10 17:03:12, 2626 ნახვა

მსოფლიო

ისრაელში მასშტაბური გეი-აღლუმი ჩატარდა, - ამის შესახებ RTVi იუწყება.

მედია საშუალების ინფორმაციით, თელ-ავივის ქუჩებში ლგბტ თემის 200 ათასი წარმომადგენელი გამოვიდა. აღლუმს 30 ათასი უცხო ქვეყნის მოქალაქეც დაესწრო, რომლებიც ამ დღეს ისრაელში სპეციალურად ჩავიდნენ.

პრაიდის მონაწილეების ერთ-ერთი ძირითადი ლოზუნგი ჩეჩნეთში ჰომოსექსუალების დევნას უკავშირდებოდა.

მედიის ცნობით, აღლუმი თელ-ავივში უკვე 19 წლის განმავლობაში, ყოველწლიურად 9 ივნისს იმართება.

აღლუმს მოსახლეობა ოჯახის წევრებთან ერთად შეუერთდა. როგორც აღლუმის მონაწილეები აცხადებდნენ, მათთვის მნიშვნელოვანია, მსოფლიოს აჩვენონ, რომ ისრაელი თავისუფალია.

მედიის ინფორმაციით, აღლუმზე უცხოელების ვიზიტმა ისრაელის ბიუჯეტში 30 მილიონ დოლარზე მეტი შეიტანა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან