ე.წ. ციანიდის საქმეზე სხდომა 23 ივნისს განახლდება

2017-06-09 15:12:28, 2288 ნახვა

სამართალი

ბრალდებულ მამა გიორგი მამალაძის სისხლის სამართლის საქმეზე თბილისის საქალაქო სასამართლოში მიმდინარე არსებითი განხილვის დღევანდელი სხდომა დასრულდა.

როგორც ადვოკატმა გიორგი ფანცულაიამ ჟურნალისტებს განუცხადა, პროცესზე ბრალდების მხარემ შესავალი სიტყვა დაასრულა.

მისივე განმარტებით, დაცვის მხარის შესავალი სიტყვა დღევანდელ პროცესზე თავიდან ბოლომდე ვერ ესწრებოდა, ამიტომ მიღებული იქნა გადაწყვეტილება დღევანდელი სხდომა დასრულებულიყო.

ე.წ. ციანიდის საქმეზე სხდომა 23 ივნისს 11:00 საათზე სწორედ ადვოკატების შესავალი სიტყვით განახლდება.

რაც შეეხება პროკურატურის შესავალ სიტყვას, ადვოკატ გიორგი ფანცულაიას შეფასებით, მათ შესავალ სიტყვაში კურიოზული მომენტები იყო.

ამასთან, ადვოკატის ინფორმაციით, მოსამართლემ არ დააკმაყოფილა შუამდგომლობა სხდომის საჯარო რეჟიმში გაგრძელებასთან დაკავშირებით.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან