კიევში, აშშ-ის საელჩოსთან აფეთქება მოხდა

2017-06-08 10:08:24, 2220 ნახვა

მსოფლიო

კიევში, აშშ-ის საელჩოსთან აფეთქება მოხდა - არიან დაშავებულები

კიევში, ამერიკის შეერთებულ შტატების საელჩოსთან აფეთქება მოხდა, - ამის შესახებ "რია-ნოვოსტი" იუწყება.

მედია საშუალების ინფორმაციით, აფეთქების შედეგად რამდენიმე ადამინი დაშავდა.

ხელისუფლების განცხადებით, ინციდენტი 8 ივნისს, დაახლოებით 00.05 საათზე, უკრაინის დედაქალაქში, შევჩენკოს რაიონში მოხდა.

"გამოკვლევის შედეგად დადგინდა, რომ დაუდგენელმა პირებმა დიპლომატიური მისიის ტერიტორიის მიმართულებით უცნობი ასაფეთქებელი მოწყობილობა ისროლეს", - ნათქვამია განცხადებაში.

შემთხვევის ადგილზე პოლიციელები და გამომძიებლები იმყოფებოდნენ.

მომხდართან დაკავშირებით გამოძიება უკრაინის სისხლის სამართლის კოდექსის 258-ე (ტერორისტული აქტის) მუხლით მიმდინარეობს. დამნაშავეთა დასაკავებლად საგამოძიებო ღონისძიებები გრძელდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან