5 ივნისს, ღამის 02:00 საათიდან 04:00 საათამდე სსსტც „დელტა“-ს სეტყვის საწინააღმდეგო სისტემის მართვის ცენტრის მიერ კახეთის რეგიონში - თელავის, ყვარლის და ლაგოდეხის რაიონების თავზე წარმოქმნილი სეტყვასაშიში შიდამასიური ღრუბლის მასები განეიტრალდა.

„დელტა“-ს ინფორმაციით, ჯამში 400 კმ2-ზე მეტი საერთო ფართობის მქონე შიდა მასიური სეტყვასაშიში ღრუბლის მასები დამუშავდა.

„სეტყვის მოსვლის ალბათობა 80 % იყო, მოსალოდნელი სეტყვის მარცვლების ზომა კი აღემატებოდა 30 მმ.

ღამის 02:00 საათიდან სეტყვასაშიში კერების სარაკეტო დამუშავება ეტაპობრივად განხორციელდა. გასროლილი იქნა 28 ერთეული სეტყვასაწინააღმდეგო რაკეტა, რის შედეგადაც სეტყვასაშიში ატმოსფერული პროცესები თელავის და ყვარლის რაიონის თავზე წვიმის, ხოლო ლაგოდეხის რაიონის მონაკვეთზე, მეტწილად მთის ფერდობსა და დასახლებული პუნქტების თავზე წვიმისა და წვრილი სეტყვის მარცვლების სახით ჩამოიცალა“, - აცხადებენ „დელტაში“.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული დრონები კიევის რეგიონში კოკა-კოლას ქარხანას თავს დაესხნენ

პოლონეთმა ევროკავშირიდან თითქმის ათასი რუსი დიპლომატის გაძევების წინადადება წამოაყენა

ტრამპმა გადაწყვიტა, ევროპას მოითხოვოს, აშშ-ს უკრაინაში წარსულში მიწოდებული იარაღისთვის გადახდა

ადვოკატი ღარიბაშვილზე- მან კონკრეტული ფაქტები ერთმანეთს დაუკავშირა, საჯაროდ გაახმოვანა და კითხვებიც დასვა