2017-06-03 15:39:24, 2795 ნახვა
სამართალი
სოფელ დიღომთან 10-მდე მოკლული ძაღლი იპოვეს
სოციალურ ქსელში გავრცელდა ფოტოები, სადაც 10-მდე მოკლული ძაღლი ჩანს.
ძაღლები მოქალაქემ სოფელ დიღომთან ნახა და 112-ს შეატყობინა.
როგორც შინაგან საქმეთა სამინისტროში აცხადებენ, მომხდართან დაკავშირებით მოკვლევა უკვე მიმდინარეობს, თუმცა უწყებაში სხვა დეტალებზე არ საუბრობენ.
ძაღლებს სხეულზე სხვადასხვა სახის დაზიანებები აღენიშნებათ.
აღსანიშნავია, რომ ფოტოზე მოკლულ ძაღლებთან ერთად 4 ცოცხალი ლეკვიც ჩანს. ლეკვები ერთ-ერთმა მოქალაქემ შეიფარა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
