მთიან აჭარაში ტურისტულად ყველაზე ხშირად მონახულებად მუნიციპალიტეტში ტურიზმის განვითარების პესპექტივები აჭარის ტურიზმის დეპარტამენტის თავმჯდომარემ ქედის გამგებელთან ერთად განიხილა. 

სულხან ღლონტი დავით დუმბაძესთან ერთად მახუნცეთის ჩანჩქერის მიმდებარედ საინფორმაციო ცენტრის მშენებლობის პროცესსა და ჩანჩქერის სათავეში დაგეგმილი ინფრასტრუქტურული პროექტის გეგმას გაეცნო. 

ის ასევე შეხვდა, ჩანჩქერთან არსებული სუვენირებისა და ადგილობრივი პროდუქციის  დამამზადებლებსა და გამყიდველებს. 

საინფორმაციო ცენტრის მშენებლობა ქედაში ტურისტულად ყველაზე მიმზიდველი ადგილის - მახუნცეთის ჩანჩქერთან არსებულ პარკში მიმდინარეობს. ცენტრში ტურისტებს  ქედაში არსებული ტურისტული ადგილების შესახებ ინფორმაციის მიღების გარდა, საშუალება ექნებათ ერთ სივრცეში გაეცნონ ადგილზე წარმოებულ სუვენირებსა და პროდუქციას, ასევე ისარგებლონ უფასო ინტერნეტ სივრცით. 

საინფორმაციო-ტურისტული ცენტრი სექტემბრიდან ამოქმედდება. 

რაც შეეხება, მახუნცეთის ჩანჩქერის მიმდებარე ტერიტორიასა და სათავეს, იქ გარკვეული ინფრასტრუქტურული პროექტები იგეგმება. 

პროექტის ნაწილი ქედის გამგეობის ბიუჯეტშია გაწერილი, თუმცა მეორე ნაწილის განხორციელებასთან დაკავშირებით მიმდინარეობს ინვესტორის მოძიება. აღნიშნული გეგმის მიხედვით, ჩანჩქერის მიმდებარე ტერიტორიაზე ტურისტული ინფრასტრუქტურის მოწყობა იგეგმება. 

„ქედის მუნიციპალიტეტი გამორჩეულია რეგიონში ტურისტული თვალსაზრისით და მუნიციპალიტეტში მოგზაურობის მსურველ ტურისტთან რაოდენობაც ყოველწლიურად იზრდება.  მაგალითად, გასულ წელს, ქედას 2015 წელთან შედარებით 99%-ით მეტი ტურისტი სტუმრობდა. ამიტომ მნიშვნელოვანია, აქ განხორციელდეს კონკრეტული ინფრასტრუქტურული პროექტები, რაც ტურიზმის განვითარებას შეუწყობს ხელს. 

ჩვენ ვგეგმავთ, შევქმნათ სამუშაო ჯგუფი, რომელიც  პროცესის მართვას უფრო ეფექტურს გახდის. სერვისის გაუმჯობესების კუთხით, კი ტურიზმის სკოლის ფარგლებში ქედაში ჩვენ საოჯახო-სასტუმრო სახლებისა და კვების ობიექტების მეპატრონეები გადავამზადეთ, რათა ისინი უფრო მომზადებულები შეხვდენენ ტურისტებს“,- განაცხადა აჭარის ტურიზმის დეპარტამენტის თავმჯდომარე სულხან ღლონტმა.  

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა