კიევში, საქართველოს დამოუკიდებლობის აღდგენის 26-ე წლისთავთან და უკრაინასა და საქართველოს შორის დიპლომატიური ურთიერთობების აღდგენის 25 წლის იუბილესთან დაკავშირებით საზეიმო მიღება გაიმართა.

საგარეო საქმეთა სამინისტროს ინფორმაციით,  სტუმრებს მისასალმებელი სიტყვით მიმართეს საქართველოს საგანგებო და სრულუფლებიანმა ელჩმა მიხეილ უკლებამ და უკრაინის ვიცე პრემიერ-მინისტრმა ევროპული და ევროატლანტიკური ინტეგრაციის საკითხებში ივანა კლიმპუშ-ცინცაძემ.

მათივე ინფორმაციით,  ღონისძიებაზე ცნობილმა ორკესტრმა „კიევ-კლასიკ", სტუმრებისთვის ქართული და უცხოური კლასიკური ნაწარმოებები შეასრულა.

 საზეიმო მიღებას ესწრებოდნენ უკრაინის აღმასრულებელი და საკანონმდებლო ორგანოების, კიევში აკრედიტებული დიპლომატიური კორპუსის, მასმედიის, არასამთავრობო სექტორისა და უკრაინაში ქართული დიასპორის წარმომადგენლები.

 მიღებას საპატიო სტუმრის სტატუსით  მსოფლიოში ცნობილი სომელიე ჟერარ ბასე ესწრებოდა, რომელმაც  ქართული ღვინის დეგუსტაცია მოაწყო.

 გარდა ამისა, კიევში, ქართულ რესტორანში, გაიმართა ქართული ღვინის დეგუსტაცია, რომელიც ასევე ჩაატარა ცნობილმა სომელიემ ჟერარ ბასემ.

სტუმრებს მისასალმებელი სიტყვით მიმართეს საქართველოს ელჩმა მიხეილ უკლებამ და კომპანიის "GWS" აღმასრულებელმა დირექტორმა. დეგუსტაციას ესწრებოდნენ მსხვილი სადისტრიბუციო კომპანიების წარმომადგენლები და ადგილობრივი მედია.

 საქართველოს დამოუკიდებლობის დღის აღსანიშნავად, უკრაინის დედაქალაქში გაიმართა მე-8 ქართული კულტურის საერთაშორისო ფესტივალი. საზეიმო კონცერტში მონაწილეობა მიიღო კულტურულ საგანმანათლებლო ცენტრთან „იბერიელი" არსებულმა ქართული ცეკვის ანსამბლმა.

კონცერტი  თბილისიდან მოწვეულმა ქართულმა მუსიკალურმა კოლექტივმა "ირიაომ" გახსნა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა

25 ივნისიდან Georgian Airways ბათუმი-მოსკოვი-ბათუმის რეისების შესრულებას იწყებს