აზერბაიჯანელ ჟურნალისტს ბრალი სამი მუხლით წაუყენეს

2017-05-31 17:29:16, 2332 ნახვა

სამართალი

აზერბაიჯანელი ჟურნალისტის ხადიჯა ისმაილოვას ინფორმაციით, პროკურატურამ საქართველოში "გაუჩინარებულ" ჟურნალისტ აფგან მუხთარლის ბრალი სამართალდამცავებისათვის წინააღმდეგობის გაწევის, საზღვრის უკანონო კვეთისა და კონტრაბანდის ბრალდებით წაუყენა.

ჟურნალისტის ადვოკატის თქმით, ის საქართველოდან ნაცემ მდგომარეობაში გადაიყვანეს. გარდა ამისა, როგორც თვითონ ჟურნალისტი აცხადებს, მის გატაცებაში ქართველი სპეცსამსახურების მონაწილეობდნენ.

შეგახსენებთ, აზერბაიჯანელი ჟურნალისტი თბილისში 29 მაისს გაუჩინარდა. მისი მეუღლის, ლეილა მუსტაფაიევის და მისი მეგობრის დაშგინ აღალარლის თქმით, ბოლო პერიოდში, აფგან მუხთარლის უცნობი პირები, სავარაუდოდ აზერბაიჯანელები, უთვალთვალებდნენ.

აზერბაიჯანული მედიის ინფორმაციით, აფგან მუხთარლი, ბაქოში მალულად გადაიყვანეს.

ცნობისთვის, აფგან მუხთარლი აზერბაიჯანიდან დევნილი საგამოძიებო ჟურნალისტი და აქტივისტია, რომელიც ღიად გამოხატავდა აზერბაიჯანელი მთავრობის წინააღმდეგ მოსაზრებებს. 2015 წლის ინავრიდან ის საქართველოში ცხოვრობს, მის მეუღლესა და ქალიშვილთან ერთად, აფგანი თავისუფალ ჟურნალისტად მუშაობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან