თბილისის მერი დავით ნარმანია საქართველოს დამოუკიდებლობის დღისადმი მიძღვნილ  საზეიმო ღონისძიებებს მეუღლესთან და შვილთან ერთად დაესწრო. 

დავით ნარმანია ოჯახთან და თბილისის მთავრობის წევრებთან ერთად თბილისის მერიის მიერ ორგანიზებულ, ვეფხისტყაოსნის თემატიკაზე სხვადასხვა ინსტალაციით წარმოდგენილ  სივრცეს ესტუმრა, რის შემდეგაც რუსთაველის გამზირზე დამოუკიდებლობის დღის აღსანიშნავად სხვადასხვა უწყების მიერ წარმოდგენილი  სტენდები დაათვალიერა.

„განსაკუთრებული დღეა თითოეული ჩვენგანისთვის. ამაღლებულ განწყობაზე ვართ, რადგან  ჩვენი ქვეყნის დამოუკიდებლობის დღეს  ვზეიმობთ.  დღეს  რუსთაველის გამზირზე შეკრებილ ძალიან ბევრ ადამიანს საინტერესო და მრავალფეროვან  ღონისძიებებზე დასწრების შესაძლებლობა მთელი დღის განმავლობაში ექნება. საზეიმო ღონისძიებების  პროგრამა საკმაოდ დატვირთულია, განსაკუთრებით აღსანიშნავია ვეფხისტყაოსანთან დაკავშირებული  უნიკალური სტენდები.  დარწმუნებული ვარ, დღევანდელი დღე თითოეულ ჩვენს თანამოქალაქეს კარგად დაამახსოვრდება“ - განაცხადა დავით ნარმანიამ.

საზეიმო ღონისძიებების ფარგლებში, თავისუფლების მოედანზე,  გაიმართა წვევამდელების სამხედრო ფიცის დადების ტრადიციული ცერემონია, რომელსაც   თბილისის მერი საქართველოს პრემიერ-მინისტრ გიორგი კვირიკაშვილთან   და მთავრობის წევრებთან ერთად დაესწრო.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა