ნატოს ლიდერების ოფიციალურ  შეხვედრაზე, აშშ–ის პრეზიდენტმა, დონალდ ტრამპმა წინა რიგში მოხვედრის მიზნით, მონტენეგროს პრემიერი გვერდზე უხეშად გასწია.

დუსკო მარკოვიჩმა ტრამპის ჟესტის შემდეგ გაიღიმა და მის უკან დადგა.

აღსანიშნავია, რომ დონალდ ტრამპი ნატოს ოფიციალური პირების შეხვედრას პირველად ესწრებოდა.

შეკითხვაზე თუ რატომ მოიქცა ასე აშშ–ის პრეზიდენტი, ტრამპის პრესსპიკერმა, შონ სპაისერმა უპასუხა, რომ ვიდეო არ უნახავს, თუმცა ამაში ცუდია არაფერია, რადგან ქვეყნების ლიდერების განლაგება წინასწარ იყო გაწერილი.

შესაბამისად, სპაისერის განმარტებით, ტრამპს წინასწარ გაწერილი გეგმის თანახმად უნდოდა დადგომა.

მისგან განსხვავებით, twitter-ის მომხმარებლებში, ამ ვიდეომ დიდი ყურადღება დამისახურა.

ერთ–ერთი მომხმარებელი წერს, რომ ვიდეოს საუკეთესო ნაწილია, როცა  ტრამპის პიჯაკს ისწორებს. 

ზოგიერთი მათგანი კი წერს, რომ ტრამპი ამერიკის პირველობის დამტკიცებას მსოფლიო ლიდერებისთვის ხელის კვირთა და მათ წინ დადგომით ცდილობს.

აღნიშნულ ფაქტს გამოეხმაურა,   მონტენეგროს პრემიერმინისტრიც, მისი თმით, მან ტრამპის ქმედებებს განსაკუთრებული ყურადღება არ მიიქცია:

„ მე ყურადღება არ მიმიქცევია, უბრალოდ, ვნახე სოციალურ ქსელებში გავრცელებული ვიდეო და გამოხმაურებები, რამაც გამამხიარულა",– განაცხადა დუსკო მარკოვიჩმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე „რიყის დოქების“ შესახებ - დამალულად არაფერი ხორციელდება

გვარამია - ნორმად განმარტების იმ სისტემით, რომელსაც მოსარჩელე გვთავაზობს, ასაკრძალი თავად „ქართული ოცნებაა"

იუსტიციის მინისტრი - ფეიქრიშვილი ნამდვილად არ იყო მარტო საკანში

თურქეთმა ორგანიზებული დანაშაულებრივი ჯგუფის 85 წევრი დააკავა, რომლებიც ევროპაში Starlink-ის სადგურებზე თავდასხმებში იყვნენ ჩართულნი