პანკისიდან სირიაში ახალგაზრდების წასვლასა და მოქალაქეების საბრძოლო მოქმედებებში ჩართვის გამო, შსს-მ პარლამენტს დღეს რამდენიმე ინიციატივა წარუდგინა.

საუბარია კანონმდებლობიოს კიდევ უფრო გამკაცრებაზე. დეპუტატებს მთავრობის ინიციატივა შინაგან საქმეთა მინისტრის მოადგილე ლევან იზორიამ გააცნო.

იზორიას თქმით, განსაუთრებით მკაცრად უნდა დაისაჯოს როგორც ტერორისტული ორგანიზაციის წევრობა და მხარდაჭერა, ასევე მკაცრი უნდა იყოს სახელმწიფო და სასჯელი იმ ადამინების მიმართ, ვინც ახალგაზრდებს  საომარ მოქმედებებში ჩართვაში ეხმარება.

"ის პიროვნება, ვინც გადაიბირებს,  იქნება ახალგაზრდა, თუ ძველგაზრდა, აღნიშნულ საქმიანობებში, იქნება ეს უკანონო ფორმირებები, წვრთნა, ტერორისტული ორგანიზაცია, თუ ზოგადად ყველანაირი ინიციატივა, რაც კი შეიძლება ამ ქმედებებთან იყოს დაკავშირებული, გულისხმობს მათი პასუხისმგებლობის საკითხსაც პირველ რიგში. უბრალოდ ოპერატიული საქმიანობა უნდა განხორციელდეს ამ კანონის მიღების შემდეგ ჩვენი უწყების მიერ. ჩვენ ვართ ამაზე პასუხისმგებელი, რათა მიეცენ პასუხისგებაში პირები, ვინც მათ გადაბირებას ახორციელებს",-განაცხადა ლევან იზორიამ.

ასევე, კანონპროექტის მიხედვით, დასჯადი უნდა გახდეს ძალადობრივი მოწოდებები და ამ კუთხით გაკეთებული განცხადებები. ლევან იზორიას თქმით, საუბარი იმის შესახებ, რომ ამით აზრის შეზღუდვა მოხდება, საფუძველს მოკლებულია.

"დასჯადი უნდა გახდეს საჯარო მოწოდების კრიმინალიზება ძალადობრივი ქმედებისკენ, რომელიც შეიცავს კონკრეტულ საფრთხეს, ეს საფრთხე უნდ აიყოს რეალური და არსებითი. აქედან გამომდინარე, ის კითხვები თითქოსდა ამით აზრის შეზღუდვა ხდება, არის საფუძველს მოკლებული.ერთმანეთისგან უნდა განვასხვავოთ, მათ შორის სიტყვისა და თავისუფლების შესახებ კანონიც ასხვავებს",-აღნიშნა ლევან იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

განსაკუთრებით დიდი ოდენობის კორუფციაზე დაჭერილ მაღალჩინოსან მიქაუტაძეს რეჟიმმა საპროცესო გაუფორმა

რუსთაველის თეატრთან დატბორვა არ უკავშირდება გამზირის სარეაბილიტაციო პროცესს – GWP

რუსეთმა სამხედრო ტყვეების ახალი გაცვლის შესახებ 270 270-ის ფორმულით გამოაცხადა

ავსტრიამ ოთხი რუსი დიპლომატი პერსონა ნონ გრატად გამოაცხადა