2017-05-23 13:26:27, 2422 ნახვა
მსოფლიო
ტრამპი მანჩესტერის ტერაქტზე: ვინც ეს ჩაიდინა, „ბოროტი ლუზერები არიან“
ამერიკის შეერთებული შტატების პრეზიდენტის დონალდ ტრამპის განცხადებით, ქალაქ მანჩესტერში მომხდარი ტერაქტის ორგანიზატორები "ბოროტი ლუზერები" არიან, - ამის შესახებ Reuters იუწყება.
აშშ-ის პრეზიდენტმა ტერაქტის შედეგად დაღუპულტა ოჯახებს მიუსამძიმრა.
"ვიზიარებ ყველა დაშავებული და დაღუპული ადამიანის ოჯახის წევრებს მწუხარებას. ამდენი ახალგაზრდა, ლამაზი და უდანაშაულო ადამიანი დაიღუპა. ვინც ეს ჩაიდინა, მათ მონსტრებს არ ვუწოდებ, ვინაიდან მათ უნდათ რომ ასე დაუძახონ, ფიქრობენ, რომ ეს მათთვის დიადი სახელია. მე მათ „ბოროტ ლუზერებს“ დავუძახებ. მსგავს სისხლ ღვრასთან დაკავშირებით საზოგადოებაში შემწყნარებლობას ადგილი არ უნდა ჰქონდეს", - აღნიშნა ტრამპმა ბეთლემში ოფიციალური ვიზიტისას.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
