სასტუმრო „რადისონ ბლუ ბათუმი“ სამმხრივ მინისტერიალს მასპინძლობს. საქართველოს, თურქეთისა და აზერბაიჯანის თავდაცვის მინისტრებმა რიგით მეხუთე  შეხვედრა უსაფრთხოების გარემოს მიმოხილვით დაიწყეს.

ლევან იზორიამ, ფიქრი იშიკმა და გენერალ-პოლკოვნიკმა ზაკირ ჰასანოვმა ერთხმად აღნიშნეს, რომ სამმხრივი თანამშრომლობის ფორმატი რეგიონში მშვიდობის, სტაბილურობისა და უსაფრთხოების განმტკიცებისკენ, ასევე სამივე ქვეყნის შეიარაღებული ძალების განვითარებისკენაა მიმართული. მინისტრებმა ერთმანეთის დამოუკიდებლობის, ტერიტორიული მთლიანობის, სუვერენიტეტისა და საერთაშორისოდ აღიარებული საზღვრების ურღვევობის პრინციპების მხარდაჭერა ხაზგასმით აღნიშნეს.

შეხვედრაზე განსაკუთრებული ყურადღება სამმხრივ თანამშრომლობაზე გამახვილდა. მინისტრებმა სამივე ქვეყნის სამხედრო მოსამსახურეების მონაწილეობით დაგეგმილ ერთობლივ სწავლებებზე ისაუბრეს და მომავალში სამმხრივი წვრთნების მასშტაბების გაზრდის სურვილი გამოთქვეს. საქართველო კი, აზერბაიჯანული და თურქული მხარეებისთვის საჩხერის სამთო მომზადების სკოლაში სამთო მომზადების კურსების შეთავაზებას კვლავ გააგრძელებს.

თავდაცვის უწყების ხელმძღვანელებმა საქართველოს, თურქეთისა და აზერბაიჯანის გენერალური შტაბის უფროსების სამმხრივი შეხვედრის მნიშვნელობაც განიხილეს, რომელიც მიმდინარე წლის შემოდგომაზე პირველად გაიმართება და მას საქართველო უმასპინძლებს. მინისტრებმა აღნიშნეს, რომ სამივე ქვეყნის პირველ სამხედრო პირებს შორის დაწყებული ფორმატი პრაქტიკული თანამშრომლობის მიმართულებებს კიდევ უფრო გააღრმავებს.  მინისტრებმა სამხედრო-სპორტული მიმართულებით სამმხრივი  თანამშრომლობის დაწყების საკითხიც მიმოიხილეს.

შეხვედრა საქართველოს, თურქეთისა და აზერბაიჯანის თავდაცვის მინისტრების მიერ ერთობლივი განცხადების ხელმოწერით დასრულდა. დოკუმენტში აღნიშნულია, რომ სამივე ქვეყანა კვლავ გააგრძელებს რეგიონულ და საერთაშორისო დონეზე მშვიდობისა და სტაბილურობის უზრუნველყოფაში მონაწილეობას, აღიარებენ ერთმანეთის დამოუკიდებლობას, სუვერენიტეტსა და ტერიტორიულ მთლიანობას და რომ სამმხრივი მინისტერიალის ფორმატი რეგიონული თანამშრომლობის წარმატებული მექანიზმია.  

საქართველოს, თურქეთისა და აზერბაიჯანის თავდაცვის მინისტრების დონეზე სამმხრივი თანამშრომლობა 2012 წელს დაიწყო. დღევანდელი მინისტერიალი რიგით მეხუთეა და მას საქართველო უკვე მეორედ მასპინძლობს.   

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთმა რუსული „ჩრდილოვანი ფლოტის“ ტანკერი დააკავა

დრონის დარტყმები რუსეთში: ხანძარი ტულის რეგიონში მდებარე „აზოტის“ ქარხანაში

ტრამპის ადმინისტრაციამ 20 მდე მიგრანტი ცენტრალური აფრიკის რესპუბლიკაში გადაასახლა, მათ შორის არიან ქართველებიც

ტრამპი ირანთან შეთანხმების მიღწევას დაჰპირდა, თუმცა თეირანი რაიმე შეთანხმებას უარყოფს