აჭარის მთავრობის მხარდაჭერით სსიპ აჭარის ა/რ საზოგადოებრივი ჯანდაცვის ცენტრის მიერ შეძენილ იქნა მაღალი გამავლობის 3 ავტომანქანა, რომლებიც განკუთვნილია მაღალმთიან აჭარაში, რთული კლიმატურ-გეოგრაფიული პირობების გათვალისწინებით, გადამდები დაავადებების ინფექციის წყაროს დროულად იდენტიფიცირებისათვის.

მაღალი გამავლობის ავტომანქანები საზოგადოებრივი ჯანდაცვის ცენტრის ქედის, შუახევისა და ხულოს მუნიციპალიტეტების განყოფილებებმა დღეს მიიღეს.

ავტომანქანების გადაცემის პროცესს აჭარის ჯანდაცვის მინისტრი ზაალ მიქელაძე და მაჟორიტარი დეპუტატი საქართველოს პარლამენტში კობა ნაკაიძე ესწრებოდნენ.

„რაიონული განყოფილებების ავტომანქანებით აღჭურვა უზრუნველყოფს მაღალმთიან აჭარაში ეპიდემიოლოგიურად უსაფრთხო გარემოს ხელშეწყობას, იმუნო-პროფილაქტიკის განხორციელებას, დაავადებათა ადრეულ გამოვლენას, ჯანმრთელობის დაცვის სახელმწიფო პროგრამის ეპიდზედამხედველობის მხარდაჭერას“, - განაცხადა მინისტრმა ზაალ მიქლაძემ.

როგორც სამინისტროში აცხადებენ, ცენტრის მუნიციპალური ერთეულებისათვის გამართული ტრანსპორტით უზრუნველყოფა განსაკუთრებით მნიშვნელოვანია ბავშვთა ვაქცინოპროფილაქტიკის ხელშეწყობის, ცივი ჯაჭვის უსაფრთხოების უზრუნველყოფის, პირველადი ჯანდაცვის ცენტრების ექიმების ინსტრუქტაჟის, ცენტრის ადგილობრივი პროგრამების მიმდინარეობის კონტროლისა და გადამდებ და არაგადამდებ დაავადებათა მიმართ ეპიდემილოგიურად უსაფრთხო გარემოს შენარჩუნებისათვის.

უწყების ცნობით, საზოგადოებრივი ჯანდაცვის ცენტრის რაიონული განყოფილებების ავტომანქანებით უზრუნველყოფა დასრულდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს