პროფესიული განათლების ხელშეწყობის მიზნით, სოფლის მეურნეობის სამინისტროს ლაბორატორია ახალგაზრდებსა და ლაბორატორიის სპეციალისტებს შორის პერიოდულად შეხვედრებს მართავს.

ამჟამად, სადიაგნოსტიკო დეპარტამენტების საქმიანობის დეტალურად გასაცნობად, ლაბორატორიას მომავალი ვეტერინარები, ფიტოსანიტრები და სურსათის უვნებლობის სპეციალისტები ესტუმრნენ.

დარგის სპეციალობების მიხედვით, ტემპუსის პროგრამის ფარგლებში, თბილისის სახელმწიფო უნივერსიტეტის  სტუდენტებს შესაძლებლობა ჰქონდათ უახლესი აპარატურით აღჭურვილი ლაბორატორიის მუშაობის სპეციფიკას გასცნობოდნენ და თავადაც ჩართულიყვნენ სხვადასხვა ექსპრეს-ტესტის წარმოებაში.

ღია კარის დღე ჩატარდა ლაბორატორიის საქმიანობის სამივე მიმართულებით, მცენარეთა და ცხოველთა დაავადებების დიაგნოსტიკის  და სურსათის კვლევის ლაბორატორიებში.

შეხვედრაზე სტუდენტებს შესაძლებლობა ჰქონდათ კითხვა-პასუხის რეჟიმში ლაბორატორიის სპეციალისტებისაგან ამომწურავი ინფორმაცია მიეღოთ.

სსიპ საქართველოს სოფლის მეურნეობის სამინისტროს ლაბორატორია ცდილობს მაქსიმალურად დაეხმაროს სასწავლო საგანმანათლებლო დაწესებულებებს მომავალი სპეციალისტების აღზრდაში.

მსგავსი სახის აქციები რეგულარულად ტარდება და მიმართულია დარგის სპეციალობების პოპულარიზაციისათვის.

თანამედროვე აპარატურით აღჭურვილ ლაბორატორიულ ბაზაზე დაშვება კი, შესაძლებლობას აძლევს მოსწავლეებს მიღებული თეორიული ცოდნა, პრაქტიკაში განიმტკიცონ.

მცენარეთა და ცხოველთა დაავადებების, ასევე სურსათის კვლევის მიმართულებით სხვადასხვა პროფესიული სასწავლებლების მაღალი აკადემიური მოსწრების სტუდენტებს პერმანენტულად უტარდებათ პრაქტიკული მეცადინეობები.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა