14 მაისს ტყიბულის ცენტრალურ ქუჩაზე, 12:00 საათზე პროფესიული კავშირების გაერთიანების, სტუდენტური და არასამთავრობო ორგანიზაციების მასშტაბური მსვლელობა გაიმართება, რომელიც ქალაქის ყველა მთავარ ქუჩას მოივლის.

ტყიბულის მინდელის მაღაროში, სამუშაოს შესრულებისას გარდაცვლილ ალეკო ჭელიშვილს, ვიქტორ დაღუნდარიძეს, გიზო გუბელიძეს და გიზო კუბლაშვილს ტყიბულის სასაფლაოზე ხვალ დაკრძალავენ.

პროფკავშირები და სამგლოვიარო მარშის სხვა ორგანიზატორები მოუწოდებენ ქვეყნის ყველა  ქალაქისა და დასახლების მაცხოვრებლებს 14:00 საათზე,  სამსახურეობრივი მოვალეობის შესრულებისას დაღუპულთა დაკრძალვის დროს, მანქანის გაბმული საყვირი მისცენ და საკუთარი პროტესტი და მწუხარება ამ ფორმით გამოხატონ.

„მომხდარი ასობით ტრაგედიის, მათ შორის რამდენიმე დღის წინ ტყიბულში ოთხი მაღაროელის გარდაცვალება შრომის უფლებების იგნორირების შედეგია. ბრალი სახელმწიფოს მიუძღვის და ამმიმართულებით რადიკალური რეფორმების გატარებაა საჭირო", – განაცხადა საქართველოს პროფესიული კავშირების გაერთიანების თავმჯდომარე ირაკლი პეტრიაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო