27  აპრილს 17:00 სთ-ზე Hard Rock Café-ს ტერასაზე  კომპანია ,,დიო’’ -ს არქიტექტორთა კლუბის იუბილისადმი მიძღვნილი ღონისძიება  გაიმართა.  სადღესასწაულო საღამოს  კლუბის წევრი არქიტექტორები, თბილისის აპოლონ ქუთათელაძის სახელობის სახელმწიფო სამხატვრო აკადემიისა და ტექნიკური უნივერსიტეტის  არქიტექტურის ფაკულტეტის დამამთავრებელი კურსის სტუდენტები დაესწრნენ.

კომპანია ‘’დიო’’-მ  სპეციალურად კლუბის წევრებისთვის იტალიური პარტნიორი  ფირმა ,,მოტურას’’ წამომადგენელი მოიწვია, რომელმაც ქართველ არქიტექტორებსა და სტუდენტებს  მათი პროდუქცია, მუშაობის სპეციფიკა გააცნო და  იტალიაში განხორციელებულ პროექტებზე ისაუბრა. ასევე, ღონისძიებაზე საქართველოში განხორციელებული, გასული წლის პროექტების გამოფენა მოეწყო, რომლებიც კლუბის წევრმა არქიტექტორებმა კომპანია ,,დიოს’’-თან ერთად განახორციელეს. ღონისძიების ბოლოს საზეიმო ვითარებაში სამი გამორჩეული არქიტექტორი სერტიფიკატითა და კურორტ ,,ნუნისის’’ საგზურებით დაჯილდოვდა.

,,კლუბის შექმნის  მიზანს  კომპანია „დიო“-ს ირგვლივ  ყველა წამყვანი და აქტიური არქიტექტორის გაერთიანება წარმოადგენს, რათა შევძლოთ ორმხრივი თანამშრომლობის ფარგლებში პირველებს მივაწოდოთ  საჭირო ინფორმაცია ჩვენი ექსკლუზიური პროდუქტების შესახებ, მოვისმინოთ მათგან რჩევები და ერთად ვიმუშაოთ საინტერესო პროექტებზე.’’ -  განაცხადა ,,დიოს’’ გენერალურმა დირექტორმა ირმა დაუშვილმა.

კომპანია ,,დიო’’-ს არქიტექტორთა კლუბში 80-მდე არიქტექტორია გაერთიანებული და სამომავლოდ ნებისმიერ არქიტექტორს შეეძლება, ვინც  განაცხადის ფორმას შეავსებს.

აქტიური კლუბის წევრებს აქვთ შესაძლებლობა: მიიღონ მონაწილეობა ,,დიო’’-ს მიერ გამოცხადებულ კონკურსებში; „დიოს“ პარტნიორ კომპანიებს ესტუმრონ ევროპის სხვადასხვა ქვეყნებში; დაესწრონ სპეციალურად მოწვეული მსოფლიო დონის  არქიტექტორების მიერ ჩატარებულ შეხვედრებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო