მთავრობის დღევანდელ სხდომაზე საგადასახადო კოდექსში ცვლილებებს განიხილავენ.

როგორც პრემიერ-მინისტრმა გიორგი კვირიკაშვილმა სხდომის დაწყებამდე განაცხადა, ეკონომიკური დანაშაულისთვის  სისხლის სამართლის პასუხისმგებლობის დასაკისრებლად დადგენილი  თანხის ოდენობა 50 000 ლარიდან 100 000 ლარამდე იზრდება,  ასევე, რიგ შემთხვევაში, უქმდება სისხლის სამართლის პასუხისმგებლობა ისეთი ქმედებებისთვის, რომლებიც თავისი შინაარსით საგადასახადო სამართალდარღვევას წარმოადგენს.

მაგალითად, პრემიერის განმარტებით, ეს არის სასაქონლო ზედნადებთან,  არააქციზური საქონლის მარკირებასთან დაკავშირებული  დარღვევები და ა.შ.

ასევე, მთავრობის მეთაურის ინფორმაციით, ცვლილებათა პაკეტში შედის ისეთი მნიშვნელოვანი სტიმულები  ცალკეული დარგებისთვის, როგორიცაა მაგალითად შიდა ავიაციის სტიმულირება.

კერძოდ, ცვლილების თანახმად,  დღგ- სგან და აქციზისგან თავისუფლდება  საავიაციო საწვავის ის ნაწილი, რომელიც  შიდა ავიაციისთვის, ბორდზე მისაწოდებლად იქნება განკუთვნილი

„ ასევე, განკუთვნილი იქნება  სხვადასხვა  საჰაერო გადაყვანა-გადაზიდვასთან დაკავშირებული მომსახურებების გაწევისთვის. ცვლილება მიზნად ისახავს ტურიზმის ხელშეწყობას,  ვინაიდან შიდა ავიაცია არის ძირითადი სუბსიდირებადი დარგი  და ამ მიმართულებით საჭიროა განსაკუთრებული სტიმულები, რათა  ჩვენ მაქსიმალურად გავაიოლოთ შიდა მიმოსვლა“,-განმარტა გიორგი კვირიკაშვილმა.

გარდა ამისა, პრემიერის განცხადებით, სურთ, მწვანე ენერგია მაქსიმალურად წაახალისონ და მოქალაქეების მიერ მიკროელექტროსადგურების საშუალებით გამომუშავებული ელექტროენერგიის ჭარბი რაოდენობა გაიყიდოს ისე, რომ ამ გაყიდვიდან მიღებული შემოსავალი არ დაიბეგროს.

„მოგეხსენებათ,   ეკონომიკური დანაშაულის დეკრიმინალიზაცია იყო ერთ-ერთი მნიშვნელოვანი  დაპირება ჩვენი 4 პუნქტიანი გეგმის  ეკონომიკური რეფორმების ნაწილში, დღეს გამოგვაქვს ძალიან მნიშვნელოვანი ცვლილება,  რომელიც ფინანსთა სამინსიტროს გამოაქვს. ამ ცვლილებებზე იმუშავა  ეკონომიკურმა გუნდმა. საკმაოდ მოცულობითი სამუშაოა შესრულებული“,-აღნიშნა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე „რიყის დოქების“ შესახებ - დამალულად არაფერი ხორციელდება

გვარამია - ნორმად განმარტების იმ სისტემით, რომელსაც მოსარჩელე გვთავაზობს, ასაკრძალი თავად „ქართული ოცნებაა"

იუსტიციის მინისტრი - ფეიქრიშვილი ნამდვილად არ იყო მარტო საკანში

თურქეთმა ორგანიზებული დანაშაულებრივი ჯგუფის 85 წევრი დააკავა, რომლებიც ევროპაში Starlink-ის სადგურებზე თავდასხმებში იყვნენ ჩართულნი