საფრანგეთის პრეზიდენტი ფრანსუა ოლანდი დაღუპული პოლიციელის ოჯახის წევრებს მიუსამძიმრა .

როგორც ოლანდმა აღნიშნა, ყველაფერი უნდა გაკეთდეს იმისათვის, რომ პოლიციელები და ჟანდარმერია თავიანთი მისიის შესრულებისას მაქსიმალურად დაცულები იყვნენ.

„ვუსამძიმრებ დაღუპული პოლიციელის ოჯახს და ჩემი ფიქრებით ვარ იმ პოლიციელთან, რომელიც ამ თავდასხმის დროს დაიჭრა. უნდა გვესმოდეს, რომ ჩვენს პოლიციას ძალიან რთულ პირობებში უწევს მუშაობა და კიდევ ერთხელ ვიმეორებ და ვიღებ ვალდებულებას -  ყველაფერი უნდა გავაკეთოთ იმისათვის, რომ პოლიციელები და ჟანდარმერია თავიანთი მისიის შესრულებისას მაქსიმალურად დაცულები იყვნენ“,- აღნიშნა ფრანსუა ოლანდმა.

შეგახსენებთ, რომ პარიზის ცენტრში უცნობმა პირმა ცეცხლი გახსნა, რის შედეგადაც ერთი სამართალდამცველი დაიღუპა, კიდევ 2 დაშავდა. ცნობისთვის, ერთი თავდამსხმელი ლიკვიდირებულია. მეორემ კი ადგილიდან მიმალვა მოახერხა. ტერაქტზე პასუხისმგებლობა "ისლამურმა სახელმწიფომ" აიღო.  თავდამსხმელად კი ბელგიელი აბუ იუსუფი დაასახელა. თავდასხმაში ბრალდებული პირი ანალოგიური დანაშაულისთვის 2005 წელსაც იყო დაკავებული. ამასთან, ეწვმიტანილის თანამზრახველი ბელგიის პოლიციას ჩაბარდა. ახლა მისი იდენტიფიკაცია მიმდინაროებს. ქვეყნის პრემიერ-მინისტრის ინფორმაციით, ქვეყანაში 50 000 სამარტალდამცველი და ჟანდარმი დამატებით არის მობილიზებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო