ადამიანის უფლებათა დაცვის ორგანიზაცია Human Right Watch-მა ამერიკის შეერთებული შტატების მიერ სირიაში, ქალაქ ალეპოს ერთ-ერთ მეჩეთზე 16 მარტს განხორციელებულ ავიაირიშთან დაკავშირებით ანგარიში გამოაქვეყნა.

როგორც ორგანიზაციის ანგარიშშია ნათქვამი, აშშ-ის შეიარაღებულმა ძალებმა შესაბამისი ზომები  არ მიიღეს, რათა ავიაიერიშის განხორციელებისას მშვიდობიანი მოქალაქეების დაღუპვა თავიდან აერიდებინათ.

ამასთან, ანგარიშის თანახმად, აშშ-ის შეიარაღებულმა ძალებმა ვერ განსაზღვრეს, რომ მათ მიერ იერიშისთვის შერჩეული ობიექტი წარმოადგენდა მეჩეთს, რომელშიც მალე ლოცვა უნდა დაწყებულიყო. შესაბამისად, მეჩეთში მშვიდობიანი მოქალაქეები იმყოფებოდნენ. 

Human Right Watch-ის თქმით, მათ მეჩეთში რომელიმე ტერორისტული დაჯგუფების წარმომადგენლის ყოფნის დამადასტურებელ მტკიცებულებებს ვერ მიაკვლიეს. ორგანიზაციის განცხადებით, მათ 14 სირიელი მოქალაქე, მათ შორის 4 ადამიანი გამოკითხეს, რომელიც იერიშისას მეჩეთში იმყოფებოდა. 

ორგანიზაცია ამერიკას მოუწოდებს, ალეპოზე განხორციელებული ავიაიერიშის შესახებ გამოძიება დაუყოვნებლივ დაიწყონ, რათა შემდგომში მშვიდობიანი მოქალაქეების დაღუპვა თავიდან აიცილონ.

შეგახსენებთ, რომ ალეპოს პროვინციაში, სოფელ ალ-ჯინში მდებარე მეჩეთზე მომხდარი დაბომბვის შედეგად 42-ზე მეტი ადამიანი დაიღუპა, 100-მდე კი მძიმედ დაშავდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო