თურქეთის პრეზიდენტის რეჯეპ ტაიფ ერდოღანის განცხადებით, "ეუთო-მ თავისი ადგილი უნდა იცოდეს", - ამი შესახებ BBC იუწყება.

მედია საშუალების ინფორმაციით, თურქეთის პრეზიდენტი ეუთო-ს კრიტიკას 16 აპრილს ჩატარებულ რეფერენდუმთან დაკავშირებით არ მიესალმება.

"პირველ რიგში იცოდეთ თქვენი ადგილი. ჩვენ ყურს არ ვუგდებთ, არ ვუყურებთ, არ ვიმჩნევთ, პოლიტიკურად მოტივირებულ ანგარიშებს, რომელსაც თქვენ ამზადებთ", - განაცხადა ერდორანმა ანკარაში მხარდამჭერებთან სიტყვით გამოსვლის დროს.

პრეზიდენტის შეფასებით, "რეფერენდუმი ყველაზე დემოკრატიული არჩევნებია, რომელიც დასავლეთში ჩატარდა".

რამდენიმე საათით ადრე ეუთო-მ გამოაქვეყნა ანგარიში, რომლის თანახმადაც რეფერენდუმი საკონსტიტუციო ცვლილებებთან დაკავშირებით, არატანაბარ პირობებში ჩატარდა. დამკვირვებლების შეფასებით, რეფერენდუმის ტექნიკური მხარე კარგად იყო ორგანიზებული, თუმცა ამომრჩევლებს არ მიაწოდეს მიუკერძოებელი ინფორმაცია რეფორმის ძირითად დებულებებზე.

შეგახსენებთ, რომ თურქეთში 16 აპრილს რეფერენდუმი ჩატარდა, რომლის თანახმადაც მოსახლეობა მმართველობის მოდელს ირჩევდა. ამ დროისთვის თურქეთში საკონსტიტუციო ცვლილებების შესახებ ჩატარებულ რეფერენდუმში მონაწილეთა ხმების 99%-ია დათვლილი. საკონსტიტუციო ცვლილებებს მხარს უჭერს 51,34 %, ხოლო წინააღმდეგია 48,66 %. 

ცნობისთვის, თურქეთში ჩატარებული რეფერენდუმის პირველადი შედეგების გამოცხადების შემდეგ, სტამბოლში ასობით ადამიანი საპროტესტო აქციას მართავს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო