რუსეთის პატრიარქმა კირილემ ოკუპირებული სამხრეთ ოსეთის ახლადარჩეულ დე-ფაქტო პრეზიდენტს ანატოლი ბიბილოვს "არჩევნებში" გამარჯვება მიულოცა.

"გულითადად გილოცავთ პატივცემულო, პრეზიდენტად არჩევას. თქვენი წინა მოღვაწეობით, ხალხში აღიარება მოიპოვეთ. სწორედ ამიტომ, ხალხმა თქვენ აგირჩიათ. სამხრეთ ოსეთის მოსახლეობა თქვენთან აკავშირებს ყველა მოლოდინს, რომელიც დაკავშირებულია მშვიდობიან ცხოვრებასთან, სოციალურ და ეკონომიკურ განვითარებასთან, ეროვნული ტრადიციების შენარჩუნებასთან და კულტურული მემკვიდრეობის გაზრდასთანაა დაკავშირებული.  დარწმუნებული ვარ, რომ თქვენ იზრუნებთ, მოსახლეობის სულიერ მდგომარეობაზეც.  გისურვებთ ჯანმრთელობას, უფლის წყალობას და ბევრ წარმატებას, აღნიშნულ პოსტზე.  ვუსურვებ სამხრეთ ოსეთს მშვიდობას და წარმატებას", - ნათქვამია პატრიარქის მიმართვაში.

ცნობისთვის, დე-ფაქტო საპრეზიდენტო არჩევნებში ე.წ პარლამენტის სპიკერმა ანატოლი ბიბილოვმა გაიმარჯვა. ბიბილოვის გარდა, კენჭს მოქმედი ე.წ პრეზიდენტი ლეონიდ თიბილოვი და "კე-გე-ბე"-ს თანამშრომელი ალან გაგლოევი იყრიდნენ.

შეგახსენებთ, რომ 9 აპრილს ოკუპირებულ რეგიონში დე-ფაქტო საპრეზიდენტო არჩევნები და ე.წ რეფერენდუმიც ჩატარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო