გერმანიის პროკურატურამ გუშინ დორტმუნდში მომხდარ აფეთქებას ტერაქტის კვალიფიკაცია მიანიჭა და აღნიშნულთან დაკავშირებით 1 პირი დააკავა, - ამის შესახებ BBC იუწყება.

მედია საშუალების ინფორმაციით, აფეთქების ადგილზე ნაპოვნ 2 წერილს ექსპერტიზა უკვე ჩაუტარდა. საგამოძიებო ორგანოში ისლამისტებთან კავშირზე საუბრობენ.

გარდა ამისა, სამართალდამცველების თქმით, გამოძიების ობიექტივში 2 ეჭვმიტანილი მოექცა, რომლებსაც "ისლამურ სახელმწიფოსთან" კავშირი ჰქონდათ.

"ორივე ეჭვმიტანილის ბინები გაჩხრიკა. აქედან ერთ-ერთი უკვე დაკავებულია", - განაცხადა ფედერალური პროკურატურის სპიკერმა ფრაკ კოილერმა.

ცნობისთვის, დორტმუნდში საფეხბურთო კლუბ „ბორუსიას“ ავტობუსთან, აფეთქების ადგილზე წერილობითი შეტყობინება აღმოაჩინეს, რომლის ავტორებიც მომხდარზე პასუხისმგებლობას იღებენ. გერმანული გამოცემის Sueddeutsche Zeitung-ის ინფორმაციით, ნაპოვნი წერილი იწყება ფრაზით: " ალაჰის სახელით".

შეგახსენებთ, რომ გუშინ დორტმუნდში საფეხბურთო კლუბ  „ბორუსიას" ავტობუსის წინ მცირე სიმძლავრის 3 ასაფეთქებელი მოწყობილობა ამოქმედდა.  კლუბის მიერ გავრცელებული ინფორმაციით, დაშავებულია ესპანელი ფეხბურთელი მარკ ბარტრა. გავრცელებული ინფორმაციით სამიზნე სწორედ გუნდი იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვსა და სანქტ-პეტერბურგში დრონის რეკორდული დარტყმის შემდეგ 400-ზე მეტი რეისი გაუქმდა

ეპისკოპოსი გიორგი - აზარტული თამაშები სასოწარკვეთილების, ვალებისა და ტრაგედიის წყაროდ იქცევა. ჩემი ღრმა შეშფოთებაა

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს