ბათუმი სასწრაფო სამედიცინო დახმარებისა და საოჯახო მედიცინის საერთაშორისო სიმპოზიუმს მასპინძლობს.

აჭარის ჯანდაცვის სამინისტროს ინფორმაციით, ღონისძიება შავიზღვისპირეთის ქვეყნების ექიმთა გამოცდილების გაზიარებას ითვალისწინებს. მასში საქართველოს, თურქეთისა და აზერბაიჯანის ოჯახის, სასწრაფო სამედიცინო დახმარებისა და ემერჯენსის ექიმები მონაწილეობენ.

მონაწილეებს სიტყვით მიმართა აჭარის ჯანდაცვის მინისტრმა ზაალ მიქელაძემ: „დღევანდელი სიმპოზიუმის თემა უმნიშვნელოვანესია ჩვენი რეგიონისათვის. როგორც ცნობილია, ბოლო წლებში განსაკუთრებული ყურადღება ექცევა საქართველოში მოსახლეობის ჯანმრთელობის დაცვას და ოჯახის ექიმის ინსტიტუტის შექმნას. ჯანდაცვის სისტემის ორგანიზაციულ მოწყობაში პირველად ჯანდაცვას მართლაც განსაკუთრებული როლი ეკისრება. ამისათვის საჭიროა ოჯახის ექიმების უწყვეტი სამედიცინო განათლების ხელშეწყობა და საერთაშორისო გამოცდილების გაზიარება და ინტეგრაცია, რაც ხელს შეუწყობს რეგიონში ჯანდაცვის სისტემის მაღალკვალიფიციური კადრებით უზრუნველყოფას და მოსახლეობისათვის ხარისხიანი მომსახურების მიწოდებას. მინდა წარმატებები ვუსურვო სიმპოზიუმის ყველა მონაწილეს. იმედი მაქვს ბათუმში ყოფნის დღეები ყველა თქვენგანისათვის სამახსოვრო და ნაყოფიერი იქნება!“, -აღნიშნა მინისტრმა.

სიმპოზიმზე, „პირველადი ჯანდაცვა საქართველოში“ - მოხსენება აჭარის ჯანდაცვის სამინისტროს ჯანმრთელობის დაცვის დეპარტამენტის მთ. სპეციალისტის მოვალეობის შემსრულებელმა ლიკა თევზაძემ წარადგინა. სიმპოზიუმში, ასევე მონაწილეობენ სხვადასხვა სამედიცინო გაერთიანებების ხელმძღვანელები.

გარდა ამისა, გაიმართება ქართველი და თურქი ოჯახების ექიმების, გადაუდებელი მედიცინის სამსახურების სიმპოზიუმები, რომლის ფარგლებშიც მოხდება გამოცდილებისა და დანერგილი სიახლეების გაზიარება.

კონგრესი 9 აპრილს დასრულდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს