ჯეჯელავა: სოფელში არსებული მცირე სკოლების მოსწავლეები ერთი კვირით ბაკურიანში წავლენ

2017-03-31 11:46:18, 1500 ნახვა

საზოგადოება

განათლებისა და მეცნიერების მინისტრის, ალექსანდრე ჯეჯელავას განცხადებით, მთავრობის მხარდაჭერით, სოფელში არსებული მცირე სკოლებიდან, სადაც 30-ზე ნაკლები მოსწავლეა, ახალგაზრდები ერთი კვირით ბაკურიანში წავლენ.

"დღეს მთავრობის სხდომაზე იყო საკითხი მცირე სკოლის მოსწავლეების მეორე ნაკადი ჩვენი მხარდაჭერითა და დაფინანსებით წავლენ ბაკურიანში. გაატარებენ ერთ კვირას. შევეცადეთ, რომ არ დაგვეკარგა ეს დრო და ერთი ნაკადი იყო არდადეგების პერიოდში. ესენი არიან მცირე სკოლებიდან. 30-ზე ნაკლები მოსწავლე სადაც სწავლობს ისეთი სკოლებიდან. ეს ისეთი სოფლები და თემებია, რომელთაც ხშირად არ აქვთ საშუალება მოხვდნენ ბაკურიანში. ამ მხრივ ძალიან სასიხარულოა. მომავალ წელს გვინდა ათასებზე ავიდეს ეს რაოდენობა, ვინც ამ პროცესში ჩაერთვება",- აღნიშნა ჯეჯელავამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან