იუსტიციის სამინისტროს საჯარო რეესტრის ეროვნული სააგენტოს თავმჯდომარე პაპუნა უგრეხელიძე და მსოფლიო ბანკის მიერ დაფინანსებული „ირიგაციისა და მიწის ბაზრის განვითარების პროექტის" მიწის ბაზრის განვითარების კომპონენტის მენეჯერი მენეჯერი ელენე გრიგოლია ვაშინგტონში, მსოფლიო ბანკის მიერ ორგანიზებულ ყოველწლიურ კონფერენციაში მონაწილეობენ.

საჯარო რეესტრის ინფორმაციით, მოხსენება „მიწის რეგისტრაციის სახელმწიფო პროექტი - როგორც წარმატებული რეფორმის მაგალითი" - კონფერენციის მონაწილეებს ელენე გრიგოლიამ საერთაშორისო მსოფლიოს სხვადასხვა ქვეყნიდან მიღებული  მოხსენებებიდან შეარჩიეს.

მათივე ინფორმაციით, მოხსენებაში ელენე გრიგოლიამ ის რეფორმა  წარადგენა, რომელიც იუსტიციის სამინისტროს ინიციატივით დაიწყო და  ქვეყანაში მიწის რეგისტრაცია მნიშვნელოვნად გაამატივა.

რეფორმის მიზანი იმ სირთულეების აღმოფხვრაა, რომელთაც მიწის ნაკვეთების მფლობელები ქონების რეგისტრაციის პროცესში აწყდებოდნენ. მოიხსნა ბარიერები, რომლებიც მესაკუთრეს ექმნებოდა.

რეფორმა უძრავი ქონების რეგისტრაციის პროცედურების გამარტივებასა და მესაკუთრის უფლებების დაცვაზეა ორიენტირებული.

კონფერენცია, რომლის  თემა მიწის მმართველობა და სიღარიბის დაძლევაა, მიწის მმართველობის სფეროში ერთ-ერთ მთავარ ღონისძიებას წარმოადგენს და მასში მონაწილეობას   მსოფლიოს სხვადასხვა ქვეყნის  სახელმწიფო, კერძო, აკადემიური და სამოქალაქო საზოგადოების წარმომადგენლები იღებენ.

მიწის მმართველობისა  და სიღარიბის თემაზე  მსოფლიო ბანკის რიგით მე-18  კონფერენცია ქ. ვაშინგტონში იმართება. 

კონფერენცია დღეს  სრულდება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს