საქართველოს პრემიერმინისტრის, გიორგი კვირიკაშვილის განცხადებით, С ჰეპატიტის პროგრამის ფარგლებში 35 ათასი ადამიანიდან 25 ათასმა მკურნალობა დაასრულა.

როგორც კვირიკაშვილმა მთავრობის დრევანდელ სხდომაზე განმარტა, 25 ათასი ადამიანიდან 98%-იანი განკურნების მაჩვენებელია.

"სამეგრელოში, ზუგდიდში, გაიხსნა C ჰეპატიტის თანამედროვე ცენტრი. ეს პროექტი მნიშვნელოვანია იქიდან გამომდინარე, რომ ზუგდიდში გამოკვლევების შედეგად, არის ძალიან მაღალი C ჰეპატიტის მაჩვენებელი. ეს იქნება უნიკალური ცენტრი იმ თვალსაზრისით, რომ აქ იქნება კომბინირებული სერვისები, როგორც სკრინინგის, ასევე დიაგნოსტიკის, ექიმის მომსახურების, მედიკამენტების გაცემის. ეს არის ძალიან წარმატებული პროგრამა, რომელიც აშშ-ს მთავრობის დახმარებით ხორციელდება. ამ ცენტრის ფარგლებში შესაძლებელი იქნება, რომ ნეიტრალური პასპორტის მქონე ჩვენმა მოქალაქეებმა, რომლებიც ოკუპირებულ ტერიტორიებზე ცხოვრობენ, ისარგებლონ ამ პროგრამის მომსახურებით. C ჰეპატიტის პროგრამის ფარგლებში უკვე 35 000-მა ადამიანმა ისარგებლა, აქედან 25 000-მა დაასრულა მკურნალობა და 98%-იანი განკურნების მაჩვენებელია. მინდა, ჯანდაცვის სამინისტროს მადლობა გადავუხადო. ანუ, ეს არის თითქმის 25 000 გადარჩენილი სიცოცხლე, რომელიც ამ პროგრამის გარეშე იყო განწირული ლეტალური შედეგისთვის",- განაცხადა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის