საქართველოს მთავარმა პროკურორმა ირაკლი შოთაძემ დღეს ე.წ. ციანიდის საქმეზე გააკეთა კომენტარი.

მისი თქმით, გამოძიება გრძელდება და საქმეში ამ ეტაპზე დეკანოზ გიორგი მამალაძის გარდა, სხვა პირთა ბრალეულობა გამოკვეთილი არ არის.

შოთაძემ ასევე აღნიშნა, რომ ჯერჯერობით დაუდგენელია, ვისგან შეიძინა მამალაძემ ციანიდი.

„შევეცადეთ, საქმეზე არსებული მაღალი საზოგადოებრივი ინტერესი მაქსიმალურად დაგვეკმაყოფილებინა“,-ამბობს ირაკლი შოთაძე.

შოთაძე ასევე გამოეხმაურა ბათუმში განვითარებულ მოვლენებს და განაცხადა, რომ ამ საქმეზეც გამოძიება ინტენსიურად მიმდინარეობს. მთავარი პროკურორის განმარტებით, დაიკითხება ყველა ის პირი, ვისი დაკითხვის საჭიროებაც იარსებებს:

„მიმდინარეობს საკმაოდ ინტენსიურად გამოძიება.  ვერ დაგიკონკრეტებთ,  ვისი დაკითხვა მოხდა და ვისი უნდა მოხდეს. საქმეზე დაიკითხება ყველა, ვისი დაკითხვის საჭიროებაც იარსებებს. საქმე საკმაოდ მოცულობითია, ვინაიდან ამ არეულობაში ჩართული იყო ასეულობით საქართველოს მოქალაქე.  შესაბამისად, საკმაოდ შრომატევადი საგამოძიებო მოქმედებებია ჩასატარებელი და ამ მიმართულებით მიმდინარეობს გამოძიება“,-განაცხადა მთავარმა პროკურორმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მოქალაქეს მონაკოს პრინცის ნათესავის მკვლელობაში ბრალი წაუყენეს

ჩქაროსნული მატარებლების ავარიის გამო, ესპანეთში სამდღიანი გლოვა გამოცხადდა

ესპანეთის ყოფილი შრომის მინისტრი ავარიისას ერთ-ერთ მატარებელში იმყოფებოდა, სავარაუდოდ, გარდაიცვალა

ზელენსკიმ სამშვიდობო შეთანხმების დადებისას პირველად შესთავაზა რუსეთს უსაფრთხოების გარანტიები