თბილისის მერი დავით ნარმანია ირანის ელჩს საქართველოში სეიედ ჯავად ყავამ შაჰიდს შეხვდა. 

ამის შესახებ "ექსპრესნიუსს" თბილისის მერიიდან აცნობეს. 

მათივე ინფორმაციით,  დედაქალაქის მერიაში გამართულ გაცნობითი ხასიათის შეხვედრაზე მხარეებმა თეირანსა და  თბილისს შორის თანამშრომლობის გაღრმავებაზე, ასევე, სამომავლო ურთიერთობების პერსპექტივებზე იმსჯელეს. 

შეხვედრაზე საუბარი შეეხო  თბილისსა და ირანის სხვა ქალაქებს შორის ერთობლივი პროგრამების განხორციელებას, მათ შორის, გამწვანების სფეროში გამოცდილების გაზიარების შესაძლებლობებს. 
  
დავით ნარმანიას  თქმით, თეირანსა და თბილისს შორის პარტნიორული ურთიერთობების გაძლიერება მნიშვნელოვანია და ეს ორმხრივად სასარგებლო იქნება.

„მოხარული ვარ, რომ თბილისსა და თეირანს შორის მჭიდრო კავშირები არსებობს და სამომავლოდ ეს თანამშრომლობა კიდევ უფრო გაძლიერდება. გასულ წელს მე ოფიციალური ვიზიტით გახლდით თეირანში და ჩემზე განსაკუთრებული შთაბეჭდილება მოახდინა ირანის დედაქალაქის გამწვანებამ. ჩვენ ვგეგმავთ, რომ გამწვანების პროექტები ერთობლივად განვახორციელოთ, რისთვისაც  თეირანიდან ურბანული გამწვანების სპეციალისტები მოვიწვიეთ.  ვფიქრობ, მათი გამოცდილების გაზიარება მნიშვნელოვანი იქნება,“ - განაცხადა  თბილისის მერმა. 

ირანის ელჩის განცხადებით, ირანული მხარე დაინტერესებულია საქართველოსთან თანამშრომლობის კიდევ უფრო გაღრმავებით და მზად არის, მხარი დაუჭიროს ურთიერთსასარგებლო  პროექტების განხორციელებას.  

სეიედ ჯავად ყავამ შაჰიდი საქართველოში ირანის ელჩის  პოზიციას მიმდინარე წლის მარტიდან იკავებს.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო