2017-03-07 20:15:45, 2290 ნახვა
სამართალი
გვარამია: მთავრობას ეკრძალება, აღასრულოს უზენაესი სასამართლოს განჩინება მანამ, ვიდრე ამის უფლებას სტრასბურგი არ მისცემს
საქართველოს მთავრობას ეკრძალება, აღასრულოს უზენაესი სასამართლოს განჩინება იმ მომენტამდე, ვიდრე ამის უფლებას სტრასბურგის სასამართლო არ მისცემს, - ამის შესახებ ტელეკომპანია "რუსთავი 2-ის გენერალურმა დირექტორმა ნიკა გვარამიამ განაცხადა.
მისი თქმით, სტრასბურგის სასამართლოს განმხილველმა პალატამ 3 მარტს მიღებული შეჩერების ღონისძიება ერთხმად გააგრძელა.
"სტრასბურგის სასამართლოს განმხილველმა პალატამ ერთხმად გააგრძელა 3 მარტს მიღებული შეჩერების ღონისძიება. საქართველოს მთავრობას ეკრძალება, აღასრულოს უზენაესი სასამართლოს განჩინება იმ მომენტამდე, ვიდრე ამის უფლებას ევროპის ადამიანის უფლებათა სასამართლო არ მისცემს”, - განაცხადა გვარამიამ.
ცნობისთვის, სტრასბურგის სასამართლომ უზენაესი სასამართლოს გადაწყვეტილების აღსრულების შეჩერება უვადოდ გააგრძელა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
