სამხრეთ ოსეთის დე ფაქტო ცენტრალურმა საარჩევნო კომისიამ ედუარდ კოკოითი საპრეზიდენტო კანდიდატად არ დაარეგისტრირა, - ამის შესახებ სააგენტო  Interfax-ი იუწყება.

როგორც ე.წ ცესკოს თავმჯდომარე ქრისტინა ავლოხოვმა აღნიშნა, კოკოითი მუდმივობის შესახებ დაწესებულ ცენზს არ აკმაყოფილებს. 

„სხდომაზე მიღებული გადაწყვეტილებით, უარი ეთქვას კოკოითის რეგისტრაციაზე, რადგანაც ის საცხოვრებელი ადგილის მუდმივობის შესახებ დაწესებულ ცენზს არ აკმაყოფილებს“, - განაცხადა ქრისტინა ავლოხოვამ.

მედია საშუალების ინფორმაციით, კოკოითისთვის ცესკოს არგუმენტები მიუღებელია. ცხინვალის ყოფილმა დე ფაქტო ლიდერმა "უშიშროების სამსახურისა" და "შინაგან საქმეთა მინისტრები" ე.წ საარჩევნო კომისიისთვის არასწორი მონაცემების მიწოდებაში დაადანაშაულა და მათი გადადგომა მოითხოვა.

ამასთან კოკოითი „საყოველთაო შეკრების“ ჩატარების ინიციატივით გამოვიდა, სადაც წინასაარჩევნოდ შექმნილი ვითარება უნდა განხილულიყო, თუმცა ცხინვალის დე ფაქტო მერიამ კოკოითის მოთხოვნა არ დააკმაყოფილა.

ედუარდ კოკოითს ე.წ ცესკო მუდმივი საცხოვრებელი ადგილის შესახებ კანონის დარღვევაში ედავება, რადგანაც ის დროის დიდ ნაწილს მოსკოვსა და რუსეთის სხვადასხვა ქალაქებში ატარებდა.

არაღიარებულ სამხრეთ ოსეთში ე.წ. საპრეზიდენტო არჩევნები 9 აპრილს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს