სტრასბურგის სასამართლოში ყოფილი პრემიერ-მინისტრის, ვანო მერაბიშვილის საქმის განხილვა 8 მარტს გაიმართება, - ამის შესახებ „ევროპული საქართველოს“ ერთ-ერთი ლიდერი და მერაბიშვილის ინტერესების დამცველი ოთარ კახიძე Facebook-ის საკუთარ გვერდზე წერს.

როგორც კახიძე აცხადებს, მტკიცებულებათა წარდგენის დასრულების შემდეგ, იუსტიციის მინისტრმა თეა წულუკიანმა ევროსასამართლოს მიმართა, რომ კახიძე დეპუტატი გახდა და ადვოკატი აღარ არის. მისივე თქმით, აღნიშნულის გამო, წულუკიანი მტკიცებულებების  დაუშვებლად ცნობას ითხოვდა, თუმცა მოთხოვნა სასამართლოს პრეზიდენტმა არ დააკმაყოფილა.

„დღეს სტრასბურგია მთავარი საკითხი და შეგახსენებთ, რომ 8 მარტს ვანო მერაბიშვილის საქმის ზეპირი განხილვაა ევროპული სასამართლოს დიდ პალატაში.

ამ საქმეზე აპლიკაცია მე გავგზავნე და ვიცავდი ვანოს უფლებებს.

მტკიცებულებათა წარდგენა დავასრულეთ თუ არა, თეა წულუკიანმა სასამართლოს მიწერა - ოთარ კახიძე პარლამენტის წევრი გახდა, ადვოკატი აღარ არის და ყველა მტკიცებულება, რომელიც წარმოგიდგინათ, დაუშვებლად სცანითო.

ადვოკატთა ასოციაციის წევრობა არ არის აუცილებელი იმისათვის, რომ დაიცვა ადამიანის უფლება და წარმოადგინო განმცხადებელი სტრასბურგის სასამართლოში.

ეს იციან კვალიფიციურმა იურისტებმა, მაგრამ არ იცოდა ქ-ნმა თეამ.

სასამართლოს პრეზიდენტმა არ დააკმაყოფილა იუსტიციის სამინისტროს მოთხოვნა, ჩემი გაგზავნილი მტკიცებულებები დაშვებულია და მე კვლავ წარმოვადგენ ვანო მერაბიშვილის ინტერესებს“, - წერს ოთარ კახიძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს