ე.წ. მატროსოვის ციხეში დეკანოზ გიორგი მამალაძის დაკითხვის ჩაშლის შემდეგ, მისმა ადვოკატმა მიხეილ რამიშვილმა სასულიერო პირებს მიმართა.

რამიშვილმა მათ მოუწოდათ დეკანოზ გიორგი მამალაძის სიცოცხლეზე იფიქრონ.

 „მე პირდაპირ მინდა მივმართო სასულიერო პირებს, მთელი ჩემი პასუხისმგებლობით ვაცხადებ, სანამ კიდევ რწმენა მაქვს მე პირადად, მიშიკო რამიშვილს, კეთილი ინებეთ ყველამ და თქვენი სულიერი ძმის სიცოცხლეზე იფიქრეთ. არსად არ მიდის მამა გიორგი, იქნება და თავის სიმართლეს ბოლომდე დაადასტურებს, მაგრამ  ყველაფერი ყველაფერისგან მოსალოდნელია. სასულიერო მამებს მოგთხოვთ და გთხოვთ, იფიქრეთ მამა გიორგი სიცოცხლეზე. რწმენა არ დამაკარგვინოთ!“, - განაცხადა მიხეილ რამიშვილმა.

ცნობისთვის, ე.წ. მატროსოვის ციხეში დეკანოზ გიორგი მამალაძის დაკითხვა ჩაიშალა. დაცვის მხარე აცხადებს, რომ დაკითხვა ბრალდებულის ჯანმრთელობის მდგომარეობის გამო ვერ მოხერხდა, ხოლო ბრალდების ინფორმაციით, მამა გიორგი მამალაძე დაკითხვაზე და გამომძიებლებთან შეხვედრაზე უარი განაცხადა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის