საზოგადოებრივ ცენტრებში ვიზალიბერალიზაციის საკითხებზე ინფორმირებისათვის შეხვედრები გრძელდება

2017-02-24 17:59:49, 1149 ნახვა

რეგიონი

საზოგადოებრივ ცენტრებში ვიზალიბერალიზაციის საკითხებზე მოსახლეობის ინფორმირებისათვის შეხვედრები გრძელდება.

ევროკავშირი-საქართველოს საინფორმაციო კამპანიის ფარგლებში, მეჯვრისხევის და ბარალეთის საზოგადოებრივ ცენტრებში, ნატოსა და ევროკავშირის შესახებ საინფორმაციო ცენტრის წარმომადგენლები ადგილობრივ მოსახლეობას შეხვდნენ. შეხვედრის მთავარი თემა შენგენის ზონაში უვიზო მიმოსვლა იყო.

ღონისძიებაზე პროექტის ფარგლებში შექმნილი ვიდეორგოლების ჩვენება მოეწყო და კონკურსი "გამოხატე ევროპა" დაანონსდა. შეხვედრებს ადგილობრივი მოსახლეობა, სტუდენტები, მოსწავლეები, მასწავლებლები და სამოქალაქო სექტორის წარმომადგენლები ესწრებოდნენ.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან