2017-02-24 15:56:00, 2856 ნახვა
სამართალი
დეკანოზ გიორგი მამალაძეს დნმ-ის ანალიზი, ხმისა და კალიგრაფიის ექსპერტიზა ჩაუტარდება
დეკანოზ გიორგი მამალაძის ადვოკატის მიხეილ რამიშვილის ინფორმაციით, გამომძიებლების თხოვნით ე.წ. მატროსოვის ციხეში 16:00 საათზე მივლენ და დეკანოზის ექსპერტიზის ნიმუშებს აიღებენ.
გამომძიებლები სამი ტიპის ექსპერტიზას ჩაატარებენ და მამა გიორგი მამალაძის დნმ-ს, ხმასა და კალიგრაფიას შეამოწმებენ.
დეკანოზის ადვოკატების განცხადებით, ექსპერტიზის ნიმუშების აღების შემდეგ, შესაძლოა, მამა გიორგი მამალაძე დაკითხონ.
გიორგი ფანცულაიას თქმით, თუ პროკურატურა გადაწყვეტს მამა გიორგი მამალაძე მზადაა საგამოძიებო უწყებას ე.წ. ციანიდის საქმეზე პირველი ჩვენება მისცეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
