2017-02-15 15:27:51, 2240 ნახვა
სამართალი
გივი თარგამაძე პროკურატურაში მისი მანქანის აფეთქების საქმის გასაცნობად მივიდა
„ევროპული საქართველოს“ წევრი გივი თარგამაძე თბილისის პროკურატურაში მივიდა მისი მანქანის აფეთქების საქმის გასაცნობად.
როგორც თარგამაძემ ჟურნალისტებს განუცხადა, სასამართლოს გადაწყვეტილებამ კიდევ უფრო ცხადყო, რომ მისი მანქანის აფეთქება შეკვეთილი იყო.
„პიროვნულად არ მერჩოდნენ, არჩევნებამდე ხალხს ანახეს, ვითარება საშიშიაო“, - განაცხადა თარგამაძემ.
შეგახსენებთ, გივი თარგამაძის მანქანის აფეთქების საქმეზე ბრალდებული ბორის ჩაგუნავა პირობითი სასჯელით გაათავისუფლეს, რასაც თარგამაძე არ ეთანხმება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
