2017-02-13 12:38:12, 2245 ნახვა
სამართალი
მთავარი პროკურორი ირაკლი შოთაძე საგანგებო ბრიფინგს გამართავს
საქართველოს მთავარ პროკურატურაში საგანგებო ბრიფინგი გაიმართება.
როგორც „ექსპრესნიუსს“ უწყებიდან აცნობეს, მთავარი პროკურორი ირაკლი შოთაძე განცხადებას 14:00 საათზე გააკეთებს.
ბრიფინგი სავარაუდოდ, საპატრიარქოს ქონების მართვის სამსახურის ხელმძღვანელის და საპატრიარქოს წმინდა იოაკიმესა და ანას სახელობის სამედიცინო ცენტრის დირექტორის, მამა გიორგი მამალაძის დაკავებას უკავშირდება. გიორგი მამალაძე პარასკევს გამთენიისას თბილისის საერთაშორისო აეროპორტში მაშინ დააკავეს, როდესაც მან საზღვარი გადაკვეთა და თვითმფრინავში ჩასაჯდომად ემზადებოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
