სახლის ჩამონგრევის შედეგად დაზარალებული ორსულის ჯანმრთელობის მდგომარეობა სტაბილურია

2017-02-02 12:49:36, 933 ნახვა

რეგიონი

დაბა განთიადში სახლის ნგრევის შედეგად დაზარალებული ორსული ქალბატონის ჯანმრთელობის მდგომარეობა სტაბილურია.

აჭარის ჯანდაცვის სამინისტროს ინფორმაციით, პაციენტი შემთხვევის ადგილიდან სასწრაფო სამედიცინო დახმარების ბრიგადამ ქ. ბათუმის დედათა და ბავშვთა ჯანმრთელობის რეგიონულ ცენტრში გადაიყვანა.

36 კვრის ორსულს საჭირო სამედიცინო კვლევები ჩაუტარდა. მკურნალი ექიმის განარტებით ნაყოფის მდგომარეობას საფრთხე არ ემუქრება, პაციენტს მხოლოდ სახის არეში აღენიშნება მცირედი დაჟეჟილობა. დაშავებული ქალბატონი აჭარის ჯანდაცვის მინისტრმა ზაალ მიქელაძემ და მინისტრის პირველმა მოადგილემ ლელა სურმანიძემ მოინახულეს. მინისტრის განმარტებით, პაციენტის მდგომარეობა სტაბილურია და ის ექიმების მეთვალყურეობის ქვეშ რჩება.

აღსანიშნავია, რომ მკურნალობისთვის საჭირო ხარჯებს აჭარის ჯანდაცვის სამინისტრო დაფარავს.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან