პარტია „მოძრაობა თავისუფლებისთვის - ევროპული საქართველოს“ წევრის ოთარ კახიძის განცხადებით, ევა გოცირიძემ კიდევ ერთხელ დაადასტურა, რომ მისი კანდიდატურა იყო აბსოლუტურად შეუფერებელი ადამიანის უფლებათა ევროპული სასამართლოს მოსამართლეობისთვის.

კახიძის თქმით, გოცირიძის კანდიდატურა თეა წულუკიანის მიერ  გაუმჭვირვალე კონკურსის მეშვეობით შეირჩა.

"ევა გოცირიძემ კიდევ ერთხელ დაადასტურა, რომ მისი კანდიდატურა იყო აბსოლუტურად შეუფერებელი. იგი თავს დაესხა ადვოკატთა ასოციაციას, სახალხო დამცველს, სამოქალაქო სექტორს, პოლიტიკურ ოპოზიციას, შემდგომ გადავიდა მოსამართლეზე, რაც მიუღებელია იმ პირისგან, რომელსაც აქვს ამბიცია სტრასბურგში იყოს საქართველოს წარმომადგენელი მოსამართლე. ევა გოცირიძის კანდიდატურა შეირჩა წულუკიანის მიერ აბსოლუტურად არა გამჭვირვალე კონკურსით. სწორედ ეს იყო მთავარი მიზეზი, რის გამოც ის კანდიდატურები არ დამტკიცდა. შეუფერებელ კანდიდატს ლობირებდა საქართველოს ხელისუფლება ადამიანის უფლებათა ევროპულ სასამართლოში", - აღნიშნა ოთარ კახიძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის YouTube პროექტის - CREATOR-ის მეორე სეზონი იწყება

„შავი პარასკევი“ „მაზდა ცენტრი თეგეტაში“ - ბრენდის ყველაზე მოთხოვნად მოდელებზე 20%-მდე ფასდაკლება 1-ელი ნოემბრიდან იწყება

დათუნაშვილი - გაზის გაძვირება კატასტროფული გადაწყვეტილება, რომელიც ძალიან მძიმე ტვირთად დააწვება თითოეულ ოჯახს ამ ქვეყანაში

მეუფე ვახტანგი სამორინეებზე - როგორმე, პარლამენტში ხელახლა უნდა გავიდეს და დააიგნორონ