ე.წ. კაბელების საქმეზე თბილისის სააპელაციო სასამართლოს დღევანდელ გადაწყვეტილებას  როგორც დაცვის, ისე ბრალდების მხარე უზენაეს სასამართლოში გაასაჩივრებს.

პროკურორ ნინო აღლემაშვილის შეფასებით, საქალაქო სასამართლოს განაჩენი ადეკვატური იყო და სააპელაციო სასამართლოს ბრალდებულების მიმართ მუხლი არ უნდა გადაეკვალიფიცირებინა: 

„ამ შემთხვევაში სასამართლოს უნდა ეხელმძღვანელა კანონით, მტკიცებულებებით და არა საქმის საბოლოო შედეგით დაინტერესებული პირების სუბიექტური განწყობით და საქმის ფაქტობრივი გარემოებების  ზერელე შეფასებით. თუმცა, ჩვენ ვერ დავემსაგვასებით ჩვენს კოლეგა ადვოკატებს, ვერ გავაკეთებთ ისტერიულ განცხადებებს, მხოლოდ ვიტყვით,  რომ სამართლებრივი დავის პირობებში განვაგრძობთ ამ საქმის განხილვას უზენაეს სასამართლოში. ვფიქრობთ, ჩვენს მიერ წარმოდგენილი კვალიფიკაცია იყო სწორი მათ გადაიხადეს 6 მილიონი იმ ქონებაში, რომელიც სინამდვილეში ღირდა 2 მილიონი. ეს იყო მარტივად დადასტურებული ფაქტი სასამართლოში, მხოლოდ იმ მიზნით, რომ ბრალდებულს შეუმსუბუქო მდგომარეობა არ შეიძლება ასეთი ტიპის გადაწყვეტილების მიღება“,-  განაცხადა აღლემაშვილმა.

რაც შეეხება დაცვის მხარეს, ადვოკატ ლევან სამუშიას თქმით, სასამართლომ ბოლომდე ვერ გაუძლო ზეწოლას და ბრალდებულის მიმართ გამამართლებელი განაჩენი არ გამოიტანა.

მისივე განმარტებით, დღევანდელი გადაწყვეტილება მათთვის დამაკმაყოფილებელი არ არის და სამართლებრივ დავას უზენაეს სასამართლოში გააგრძელებენ.

„დარწმუნებული იყავით, რომ საქმეზე საბოლოოდ დაადგება გამამართლებელი განაჩენი, უზენაესი სასამართღლო არის შემდეგი ეტაპი, თუ იქ ვერ ვიპოვეთ სამართალი ევროპის სასამართლოა შემდეგი ეტაპი, სადაც ამ საქმეზე ის განაჩენი დადგება, რასაც სამართლიანობა მოითხოვს“,- განაცხადა სამუშიამ.

შეგახსენებთ, სააპელაციო სასამართლომ ე.წ. კაბელების საქმეზე ბრალდებულები დამნაშავედ ცნო სისხლის სამართლის კოდექსის 332-ე მუხლის პირველი ნაწილით, რაც სამსახურებრივი უფლებამოსილების ბოროტად გამოყენებას გულისხმობს ანუ სასამართლომ ბრალდებულების მიმართ მუხლი გადააკვალიფიცირა.

თავდაცვის სამინისტროს ხუთი ყოფილი მაღალჩინოსანი ციხეს ორ თვეში დატოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ