ევროსაბჭომ საქართველო დაავალდებულა კანდიდატები ახლიდან და უფრო სამართლიანად შეარჩიოს, - ასე გამოეხმაურა Facebook-ის პირად გვერდზე "ევროპული საქართველოს" წევრი გიორგი კანდელაკი სტრასბურგში, საქართველოდან წარდგენილი მოსამართლეების კანდიდატების არ დამტკიცებას. 

როგორც პოლიტიკოსი წერს, ევროსაბჭოს საპარლამენტო ასამბლეის მოსამართლეთა შერჩევის სპეციალურმა კომიტეტმა საქართველოდან წარგზავნილი წულუკიანის სია მძიმე დარღვევების და წესებთან შეუსაბამობის გამო ხმათა უმრავლესობით ჩააგდო და უკან დააბრუნა. ის წერს, რომ იმედი აქვს, მთავრობის ამ უდიდესი სირცხვილის შემდეგ მეტი შანსი გვექნება, სამოქალაქო საზოგადოებასთან ერთად, იძულებული გახდებს მთავრობა, რომ ევროპის ადამიანის უფლებათა სასამართლოში შესაფერისი კანდიდატები გააგზავნოს.

"ევროსაბჭოს საპარლამენტო ასამბლეის მოსამართლეთა შერჩევის სპეციალურმა კომიტეტმა საქართველოდან წარგზავნილი წულუკიანის სია მძიმე დარღვევების და წესებთან შეუსაბამობის გამო ხმათა უმრავლესობით ჩააგდო და უკან დააბრუნა. "ოცნების" მთავრობა ამ სირცხვილისგან ევა გოცირიძის სასარგებლოდ ვერც პრემიერის ზარებმა გადაარჩინა სხვადასხვა დედაქალაქში.

ერთი სიტყვით, ევროსაბჭომ საქართველო დაავალდებულა კანდიდატები ახლიდან და უფრო სამართლიანად შეარჩიოს. "ქართული ოცნების" მთავრობამ კიდევ ერთხელ შეარცხვინა ქვეყანა, რადგან აქ სრულიად თავისმომჭრელი ფორმით შერჩეული სია გამოაგზავნა. იმედია მთავრობის ამ უდიდესი სირცხვილის შემდეგ მეტი შანსი გვექნება, სამოქალაქო საზოგადოებასთან ერთად, ვაიძულოთ მთავრობა, ევროპის ადამიანის უფლებათა სასამართლოში შესაფერისი კანდიდატები გააგზავნოს", - წერს გიორგი კანდელაკი. 

თემას ეკა ბესელიაც გამოეხმაურა და აღნიშნა, რომ "ადამიანის უფლებათა ევროპული სასამართლოს მოსამართლეთა შესარჩევი კომიტეტის წევრთა უმრავლესობამ მიიჩნია, რომ უკეთესი იქნება მთავრობამ პროცედურები ხელახლა გაიაროს".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე - რასაც ჩვენთან აკეთებდნენ, ახალისებდნენ ძალადობრივ ორგანიზაციებს, დღეს იგივე მიიღეს საკუთარ ქვეყნებში

კოპალეიშვილი „ოცნების“ დეპუტატებს - ჩემი სტუდენტები იყვნენ, რა საფრთხეს წარმოვადგენ მე?

ივანიშვილის რეჟიმი ხალხს წყლის და გაზის გადასახდელებს უმატებს

ლაშა ფარულავა - ოცნება ხალხს ცხოვრებას კიდევ ერთხელ უძვირებს - ეს სოციალური ტერორის გზაა