ეკა მიშველაძე: კამპანია „მოითხოვე ქართული" ეროვნული პროდუქციის პოპულარიზაციას ისახავს მიზნად

2017-01-17 17:26:07, 2178 ნახვა

სამართალი

კამპანია „მოითხოვე ქართული" ეროვნული პროდუქციის პოპულარიზაციას ისახავს მიზნად, - ამის შესახებ პრეზიდენტის პრესსპიკერმა ეკა მიშველაძემ ბრიფინგზე განაცხადა.

მიშველაძის თქმით, ის ვარაუდობს, რომ ეს კამპანია დაეხმარება ადგილობრივი წარმოების განვითარებას.

"მინდა მოგახსენოთ პრეზიდენტის მიერ წამოწყებული ახალი კამპანიის შესახებ „მოითხოვე ქართული". ეს კამპანია ეროვნული პროდუქციის პოპულარიზაციას ისახავს მიზნად. პრეზიდენტი შეუერთდა საზოგადოების ინიციატივას, კერძოდ კი Kar.ge-სა და ფოტოგრაფ გოგა ჩანადირის წამოწყებას „იყიდე ქართული". ჩვენ ვვარაუდობთ, რომ ეს კამპანია დაეხმარება ადგილობრივი წარმოების განვითარებას. პრეზიდენტმა კამპანია შიდა ქართლიდან დაიწყო, სადაც მან მოინახულა რეგიონში, მათ შორის საოკუპაციო ხაზთან სოფელ დვანში მდებარე საწარმოები, შეხვდა ადგილობრივ მოსახლეობას. ქართული პროდუქციის პოპულარიზაციის მიზნით დაწყებული კამპანია „მოითხოვე ქართული" საქართველოს სხვადასხვა რეგიონში გაგრძელდება", - აღნიშნა მან.