სასჯელაღსრულებისა და პრობაციის სამინისტროს N11 არასრულწლოვანთა დაწესებულებაში კონცერტი გაიმართა.

წინასაახალწლო ღონისძიებების ფარგლებში ნოდიკო ტატიშვილმა, დათუნა მგელაძემ, სალომე ბაკურაძემ, გიგი ადამაშვილმა და ლიკა თუთისანმა არასრულწლოვან  მსჯავრდებულებს ქართული და უცხოური ჰიტები შეუსრულეს.

მომღერალ ნოდიკო ტატიშვილის თქმით, ღონისძიება მნიშვნელოვანი იყო, როგორც არასრულწლოვანი მსჯავრდებულებისთვის, ისე მოწვეული სტუმრებისთვისაც.

„იმდენად ნათელი სახეები აქვთ, რომ მგონია, ისინი აპირებენ შეცვალონ ყველაფერი და დაიწყონ ახალი ცხოვრება. მინდა, მათ მივულოცო ახალი წელი, ის ცუდი, რაც მათ ცხოვრებაში იყო დაუტოვონ ძველ წელს და ახალ წელს შეხვდნენ ახალი იმედებითა და პერსპექტივებით“, - აღნიშნა ნოდიკო ტატიშვილმა.

სასჯელაღსრულებისა და პრობაციის სამინისტროს სოციალური უზრუნველყოფის სამმართველოს უფროსმა ლეილა აფციაურმა მოწვეულ მომღერლებს სამინისტროს სახელით მადლობა გადაუხადა და მსგავსი აქტივობების მნიშვნელობაზე ისაუბრა.

„N11 არასრულწლოვანთა დაწესებულებას არაჩვეულებრივი შემსრულებლები ეწვივნენ და ძალიან ლამაზი დღესასწაული მოუწყვეს ბავშვებს. მინდა, მადლობა გადავუხადო მათ და მზადყოფნა გამოვთქვა სამომავლო თანამშრომლობაზე“, - განაცხადა ლეილა აფციაურმა.

კონცერტის დასასრულ, მომღერლებმა არასრულწლოვან მსჯავრდებულებთან ერთად იმღერეს. არასრულწლოვნებმა კი, სტუმრებს სიურპრიზის სახით, მცირე წარმოდგენა შესთავაზეს. მსჯავრდებულებმა მომღერლებს საცეკვაო ნომრები შეუსრულეს და მათივე დაწერილი ლექსები წაუკითხეს.

არასრულწლოვანი მსჯავრდებულები სასჯელაღსრულებისა და პრობაციის სამინისტროს განსაკუთრებული ზრუნვის ობიექტები არიან. ისინი აქტიურად არიან ჩართულნი სხვადასხვა საგანმანათლებლო-გასართობ ღონისძიებაში, რომლებიც მათ რესოციალიზაცია-რეაბილიტაციას ისახავს მიზნად.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს