მთავრობის ეკონომიკურ გუნდს პარლამენტთან მჭიდრო თანამშრომლობა აქვს და მომავალშიც ასე გაგრძელდება, - ამის შესახებ საქართველოს პარლამენტის თავმჯდომარე ირაკლი კობახიძემ საზოგადოებრივი მაუწყებლის პირდაპირ ეთერში განაცხადა.

როგორც კობახიძემ აღნიშნა, გასული ერთი თვის განმავლობაში, ახლად არჩეულ პარლამენტს ჰქონდა არაერთი ძალიან მნიშვნელოვანი შეხვედრა მთავრობის ეკონომიკური გუნდის წევრებთან, სხვადასხვა საკითხზე, სიღრმისეული განხილვები, დისკუსიები შეეხებოდა, როგორც ზოგადად ეკონომიკური განვითარების საკითხებს, ასევე, ლარის კურსს, ყველა აქტუალურ საკითხს, რომელიც დაკავშირებული  ქართულ ეკონომიკასთან, საფინანსო სექტორთან.

"მადლობა მინდა გადავუხადო პირველ რიგში მთავრობის ეკონომიკურ გუნდს ძალიან აქტიური თანამშრომლობისთვის საქართველოს პარლამენტთან. თქვენ იცით, რომ გასული ერთი თვის განმავლობაში, მას შემდეგ, რაც ახლად არჩეული პარლამენტი შეუდგა მუშაობას, ჩვენ გვქონდა არაერთი ძალიან მნიშვნელოვანი შეხვედრა საპარლამენტო ფორმატში, სწორედ მთავრობის ეკონომიკური გუნდის წევრებთან, სხვადასხვა საკითხთან დაკავშირებით. ძალიან სიღრმისეული განხილვები, დისკუსიები შეეხებოდა, როგორც ზოგადად ეკონომიკური განვითარების საკითხებს, ასევე, ლარის კურსს, ყველა აქტუალურ საკითხს, რომელიც დაკავშირებულია ქართულ ეკონომიკასთან და საფინანსო სექტორთან. ასეთი თანამშრომლობა ეკონომიკურ გუნდთან კიდევ გაგრძელდება. საუბარი იყო უმცირესობის ფორმატში კიდევ ერთ შეხვედრაზე. ამასთან დაკავშირებით რამდენადაც  ვიცი, ითქვა პოზიცია ეკონომიკის და ფინანსთა მინისტრების მხრიდან. მათი მხრიდან აღინიშნა, რომ უახლოეს მომავალში ასეთი შეხვედრა შედგება უმცირესობის მოთხოვნის საფუძველზე, ამასთან დაკავშირებით აუცილებლად იქნება კონსულტაციები პარლამენტსა და მთავრობის ეკონომიკურ გუნდს შორი",-აღნიშნა საქართველოს პარლამენტის თავმჯდომარემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰაკერებმა მსხვილი კრიპტოვალუტის ბირჟა გატეხეს და შესაძლოა, მილიარდობით დოლარი მოიპარეს

უკრაინელებმა სამარაში ნავთობგადამამუშავებელი ქარხანა დაბომბეს, მოსკოვში კი კვლავ საჰაერო კოლაფსია

უკრაინამ ბრიანსკის რეგიონში დაბომბა ქარხანა, რომელიც რუსული არმიისთვის დაკონსერვებულ საკვებს აწარმოებს

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას