აფხაზეთის მარიონეტულმა რეჟიმმა ორი საკონტროლო გამშვები პუნქტის დახურვის გადაწყვეტილება მიიღო

2016-12-28 21:50:55, 1148 ნახვა

პოლიტიკა

აფხაზეთის დე ფაქტო ხელისუფლებამ ორი საკონტროლო გამშვები პუნქტის დახურვის გადაწყვეტილება მიიღო, - ამის შესახებ ინფორმაციას გამოცემა „კავკაზსკი უზელი“ ავრცელებს.

მათი ინფორმაციით, ჯერ კიდევ 2014 წელს დე ფაქტო პრეზიდენტმა რაულ ხაჯიმბამ დანარჩენ საქართველოსთან ე.წ. საზღვრზე მხოლოდ ერთი-საკონტროლო გამშვები პუნქტის დატოვების შესახებ განაცხადა. მიმდინარე წლის 15 აპრილს აფხაზურმა მხარემ ერთ-ერთი ასეთი პუნქტი უკვე დაკეტა, რის გამოც ადგილობრივებს უხერხულობა შეექმნათ.

მათივე ცნობით, ადმინისტრაციულ საზღვარზე ორი საკონტროლო გამშვები პუნქტის დახურვის შემდეგ, ღია რჩება მხოლოდ ერთი - ენგურის ხიდზე არსებული საკონტროლო გამშვები პუნქტი და კიდევ ერთი - ტექნიკური საკონტროლო გამშვები პუნქტი, რომელიც “ენგურჰესის” მომსახურებისთვის არის გათვალისწინებული - აცხადებს აფხაზეთის დე ფაქტო მთავრობის სამართლებრივი განყოფილების ხელმღვანელი ლაშა ცაავა.

ნაბაკევისა და ოტობაიას საკონტროლო გამშვები პუნქტების დახურვის შესახებ დადგენილება ძალაში 30 დღის განმავლობაში შევა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან