სოფლის მეურნეობის მინისტრის მოადგილემ რევაზ ასათიანმა, სოფლის მეურნეობის სამცენიერო-კვლევითი ცენტრის დირექტორის მოადგილემ ნოდარ ხატიაშვილმა, სასოფლო-სამეურნეო კოოპერატივების განვითარების სააგენტოს თავმჯდომარემ გიორგი მიშელაძემ და სამეცნიერო-კვლევითი ცენტრის სპეციალისტებმა დედოფლისწყაროში ფერმერებისთვის და საქართველოს სოფლის მეურნეობის სამინისტროს კახეთის რეგიონალური სამმართველოს და საინფორმაციო-საკონსულტაციო სამსახურის თანამშრომლებისთვის ტრეინინგი ჩაატარეს.

როგორც "ექსპრენიუსს" უწყებიდან აცნობეს, შეხვედრის თემა - მარცვლეული კულტურების, ძირითადად ხორბლის კულტურის მოვლა-მოყვანა-შენახვის და ნიადაგის დამუშავების ტექნოლოგიები იყო. ვინაიდან მომავალ წელს ხორბლის კულტურაზე სავალდებულო სერტიფიცირების სისტემა შემოდის, მეწარმეებს  სერტიფიცირების სისტემის მნიშვნელობა გააცნეს, ასევე ისაუბრეს გასატარებელ ღონისძიებებზე, რათა ფერმერებმა წინასწარი რეგისტრაცია და განაცხადების შეტანა მოახდინონ. 

ტრეინინგს დაესწრნენ საგარეჯოს, სიღნაღის და დედოფლისწყაროს მუნიციპალიტეტის ფერმერები, რომლებიც ხორბლის მოყვანით არიან დაკავებული. სამეცნიერო-კვლევითი ცენტრის თანამშრომლებმა საკუთარი პრეზენტაციები წარმოადგინეს და დაწვრილებით ისაუბრეს ხორბლის სერტიფიცირების პროექტზე, საერთაშორისო სტანდარტებზე და ფალსიფიცირებული თესლისგან თავის აცილების მექნიზმებზე. 

„ვისმჯელეთ თუ რა უნდა გავაკეთოთ იმისათვის, რომ მთელი ეს აგროტექნოლოგიური ციკლი, დაწყებული ანალიზით, მოხვნით, სასუქების შეტანით, მცენარეთა დაცვის და  მღრღნელებთან ბრძოლის ღონისძიებების გატარებით, მოსავლის აღებით დასრულებული, ყველა ეს ტექნოლოგიური პროცესები და ახალი ტექნოლოგიები, ფერმერებისთვის იყოს უფრო ხელმისაწვდომი, ჰქონდეთ მეტი ცოდნა ამასთან დაკავშირებით. ჩვენც გავიგეთ მათი პრობლემები, ორგანიზაციული კუთხით რამდენიმე მოსაზრება გამოითქვა, ჩვენ ამ საკითხებზე კიდევ შევიკრიბებით და უფრო კონკრეტულად გავერკვევით“,- აღნიშნა სოფლის მეურნეობის მინისტრის მოადგილემ რევაზ ასათიანმა. 

შეხვედრა იყო ინტერაქტიული, სოფლის მეურნეობის მინისტრის მოადგილემ და სამეცნიერო კვლევითი-ცენტრის დირექტორის მოადგილემ ფერმერებს მისცეს რჩევები, დაურიგეს ცენტრის მიერ მომზადებული ბროშურები, რომლებიც ხორბლის მოყვანის ტექნოლოგიებს და ყველა იმ საკითხს შეეხება, რომელიც ფერმერებს აინტერესებთ. 

შეხვედრის ფარგლებში კოოპერატივების შესაძლო შექმნის საკითხებიც განიხილეს. სასოფლო-სამეურნეო კოოპერატივების განვითარების სააგენტოს თავმჯდომარემ გიორგი მიშელაძემ ფერმერებს საერთო პრობლემების წინააღმდეგ ბრძოლისთვის გაერთიანებისკენ მოუწოდა და კოოპერატივების შექმნის საკუთარი გეგმა შესთავაზა. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს